ភ្នំពេញៈ ករណីលោក គឹម ពន្លក អតីតអធិការនគរបាលស្រុកកំរៀង នៅមិនទាន់ចប់នៅឡើយទេ ដោយសមត្ថកិច្ចស្រាវជ្រាវរកអ្នកដែលពាក់រឿងដោះលែងមេខ្លោងនាំពលករឆ្លងដែនដោយខុសច្បាប់ ដើម្បីចាត់ការតាមផ្លូវច្បាប់។
សម្ដេចក្រឡាហោម ស ខេង ឧបនាយក រដ្ឋមន្ត្រីរដ្ឋមន្ត្រីក្រសួងមហាផ្ទៃបានថ្លែងបញ្ជាក់ថា ករណីលោក គឹម ពន្លក អតីតអធិការនគរបាលស្រុកកំរៀង ដែលបានដោះលែងមេខ្លោងនាំពលករឆ្លងដែនដោយខុសច្បាប់ គឺសមត្ថកិច្ចកំពុងតែធ្វើការស្រាវជ្រាវបន្ថែមទៀតដើម្បីរកអ្នកដែលពាក់ព័ន្ធ។ ហើយករណីនេះមិនទាន់រកឃើញមានភស្តុតាងណាមួយដែលត្រូវបញ្ជូនទៅតុលាការនៅឡើយទេ។
ការបញ្ជាក់របស់សម្ដេចក្រឡាហោម ស ខេង បានធ្វើឡើងក្រៅពិធីប្រគល់រថយន្តជូនស្នងការដ្ឋាននគរបាលខេត្តចំនួន ១៩ នៅព្រឹកថ្ងៃទី១៦ ខែកុម្ភៈឆ្នាំ២០២១នេះ នៅទីស្ដីការក្រសួងមហាផ្ទៃមួយនេះនៅទីស្ដីការក្រសួងមហាផ្ទៃ។
រាជរដ្ឋាភិបាល កម្ពុជា នៅ យប់ ថ្ងៃទី ១៥ ខែកុម្ភៈ ឆ្នាំ ២០២១ នេះ បានចេញអនុក្រឹត្យសម្រេចដកស័ក្តិ និងបណ្តេញ លោក វរសេនីយ៍ឯក គឹម ពន្លក អធិការស្រុកកំរៀង ខេត្តបាត់ដំបង ចេញពីក្របខណ្ឌមន្ត្រីនគរបាលជាតិ ។
ការចេញអនុក្រឹត្យសម្រេចដកស័ក្តិ និងបណ្តេញលោកវរសេនីយ៍ឯក គឹម ពន្លក អធិការស្រុកកំរៀង ខេត្តបាត់ដំបងចេញពីក្របខណ្ឌ មន្ត្រីនគរបាលជាតិធ្វើឡើង បន្ទាប់ពីមានបញ្ជារបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា នៅរសៀលថ្ងៃទី ១៥ ខែកុម្ភៈ ឆ្នាំ ២០២១ នេះ បន្ទាប់ពីក្រុមស្រាវជ្រាវរកឃើញថា អធិការស្រុករូបនេះ ពិតជាបានដោះលែងមេខ្យល់នាំមនុស្សឆ្លងដែន ខុសច្បាប់ ពី ប្រទេសថៃចូលទឹកដីកម្ពុជា ។
សម្តេចតេជោ ហ៊ុន សែន ថ្លែងនារសៀល ថ្ងៃទី១៥ ខែកុម្ភៈ ឆ្នាំ ២០២១ ថា ក្រៅពីបកស័ក្តិ និងបណ្តេញចេញពីក្របខណ្ឌ សម្តេចបាន បញ្ជាឲ្យអភិបាលខេត្ត និងអគ្គស្នងការនគរបាលជាតិ ត្រូវបន្តចាត់ការអនុវត្តតាមផ្លូវច្បាប់ទៀត ដើម្បីផ្តន្ទាទោសជនពុករលួយ រូបនេះ ដាក់ពន្ធនាគារឲ្យ ៕ រក្សាសិទ្ធិដោយ: ចេស្តារ
