រឿងរ៉ាវមួយបានបង្កឲ្យមានការភ្ញាក់ផ្អើល និងហួសចិត្តជាខ្លាំងទៀតហើយ ចំពោះឥរិយាបទរបស់បុរសជាអ្នកលក់ពងទាតាមដងផ្លូវម្នាក់ ដែលបានផ្ទុះកំហឹងសឹងស្ទុះស៊ីសាច់ ទៅនឹងអ្នកទិញ ព្រោះចូលសួរ តែអត់តថ្លៃ បែរជាបើកឡានដើរចេញ។
នេះបើយោងតាមគណនីហ្វេសប៊ុកឈ្មោះ ស៊ុ ដារ៉ា បានសម្តែងការហួសចិត្តទៅនឹងទង្វើរដ៏មិននឹកស្មានរបស់បុរសអ្នកលក់ពងទាម្នាក់នោះថា៖ «អាមួយនេះគ្រាន់តែអត់ទិញពង់ទាវាសោះ វាតាមមករករឿង ថតស្លាកលេខឡានរបស់ខ្ញុំ ស្តីថាអោយខ្ញុំចង្អុលមុខខ្ញុំទៀត ទីតាំង នៅកន្ទុយនាគជិតឆ្នេរសុខា (កំពង់សោម)»។
ក្រោយពីបានឃើញហួសចិត្តខ្លាំងពេក បងប្អូនអ្នកលេងហ្វេសប៊ុកនាំគ្នារិះគន់ដាក់ឲ្យឡើងចុកៗថា៖ «មានចឹងទៀត គ្រាន់សួរអត់បានទៀត អាផ្លោកជាំ, វាមិនដែលមានទេលើពិភពលោក ទើបឃើញមួយហ្នឹងទេហាហា ស្តាយមាតុភូមិមួយនេះមិនគួរណាមានបុគ្គលសតិអញ្ចឹងៗសោះ!»។
រីឯអ្នកខ្លះទៀត ក៏បានបញ្ចេញអារម្មណ៍គួរឲ្យស្អប់បែបនេះថា៖ «អ្ហែងអត់គ្រប់ទឹកមែន អាឆ្កួតនេះចេញមកឆ្គួតៗចឹងម៉ង មុខអានេះសមតែសុីកំភ្លៀងមែន សំណាងហើយបានបងម្ចាស់ឡានគាត់ស្លូត» និងនៅមានមតិរិះគន់ដាក់ឲ្យធ្ងន់ជាច្រើនទៀត ដែលលើកយកមកមិនអស់៕ រក្សាសិទ្ធិដោយ៖ លឹម ហុង
