តារាសម្តែងហុងកុងម្នាក់ បានរងការរិះគន់យ៉ាងខ្លាំង ពីសំណាក់អ្នកលេងអ៊ិនធើណែត បន្ទាប់ពីគាត់បានបង្ហោះរូបថតខ្លួនឯង និងកូនស្រីរបស់គាត់ ថើបបឺតមាត់គ្នាយ៉ាងស្រើបស្រាល នៅក្នុងថ្ងៃខួបកំណើតគំរប់ ១៥ ឆ្នាំរបស់នាង នៅលើបណ្តាញសង្គមចិន Weibo ។
យោងតាមប្រភពព័ត៌មានបាឲ្យដឹងថា តារាសម្តែង TVB លោក Joseph Lee អាយុ ៦២ ឆ្នាំ បានសម្រេចធ្វើខួបកំណើតឲ្យកូនស្រីរបស់គាត់ឈ្មោះ Cherie នៅឯភោជនីយដ្ឋានមួយកន្លែងក្នុងទីក្រុងម៉ាកាវ ដែលមានក្រុមគ្រួសារ និងមិត្តភក្តិចូលរួមផងដែរ ។ ទោះយ៉ាងណា រូបទាំងនេះដែលត្រូវបានចែករំលែកដោយ Lee បានរងប្រតិកម្មរិះគន់ភ្លាមៗពីបណ្តាអ្នកប្រើប្រាស់ Weibo ។
មតិយោបល់រាប់រយត្រូវបានឆ្លើយតបនៅលើទំព័រ Weibo របស់ Lee ដោយមនុស្សភាគច្រើនបានសម្តែងការស្អប់ខ្ពើមយ៉ាងខ្លាំង ចំពោះទង្វើស្រលាញ់កូនស្រីរបស់ខ្លួនដ៏ជ្រុលហួសរបៀបនេះ ។ ម្នាក់បាននិយាយថា Lee បាន «កេងចំណេញ» ពី Cherie ខណៈអ្នកដទៃទៀតនិយាយថា៖ «ឪពុកម្តាយមិនគួរណាមានទំនាក់ទំនងជិតស្និទ្ធជាមួយកូនៗរបស់ពួកគេនៅក្នុងអាយុពេញវ័យទៅហើយ មិនថាឡើយពួកគេជាកូនប្រុស ឬ កូនស្រីនោះឡើយ» ។ ប៉ុន្តែ មនុស្សជាច្រើនទៀត នៅបានរិះគន់ស្រាលថា បើចង់ធ្វើអីចឹង ម្តេចក៏គាត់មិនថើបថ្ពាល់កូនស្រី! ។
Lee បានប្រាប់ Oriental Daily ថា Cherie បានផ្តួចផ្តើមការថើប ហើយគាត់ និងកូនស្រី បានមាន «ទំនាក់ទំនង» យល់ច្រឡំមួយនេះជាមួយគ្នាអស់រយៈពេលជាយូរមកហើយ តាំងពីនាងនៅតូចម្ល៉េះ ។ គាត់បាននិយាយថា៖ «នៅពេលកូនស្រីរបស់ខ្ញុំ ជិតផ្លុំភ្លើងទាន នាងបានមានបំណងចង់ថើប តើខ្ញុំនឹងគួរធ្វើអ្វីទៅ?» ។
យោងតាម Lee នោះកូនស្រីរបស់គាត់ Cherie «សប្បាយចិត្ត» ចំពោះសកម្មភាពរងការរិះគន់នេះ ។ «ខ្ញុំបានប្រាប់នាងថា គ្រប់គ្នាមានចំណុចទស្សនៈខុសៗគ្នា ហើយប្រសិនបើពួកគេបញ្ចេញភាពអវិជ្ជមានចំពោះយើង នោះយើងត្រូវបានប្រកាន់យកអាកប្បកិរិយាវិជ្ជមាន» ៕ ចន្ទី
ចុះប្រិយមិត្តវិញ យល់ឃើញយ៉ាងណាដែរ!?
