ភ្នំពេញ ៖ ក្នុងពេលផ្សារបិទថ្ងៃអង្គារ ភាគហ៊ុនកំពង់ផែស្វយ័តក្រុងភ្នំពេញ ត្រូវបានជួញដូរនៅថ្លៃ១២.០៤០រៀល ដោយមានកំណើន ១០០រៀល ហើយថ្លៃប្រហាក់ប្រហែលនេះត្រូវបានឃើញលើកចុងក្រោយនៅថ្ងៃអង្គារមុន។
ស្រដៀងគ្នានេះដែរ ភាគហ៊ុនអេស៊ីលីដា (ABC)ក៏បានបង្ហាញនូវកំណើន ២០រៀល ផងដែរ ដែលបានបិទនៅ ១៦.៩០០រៀល។
ផ្ទុយទៅវិញ ភាគហ៊ុនរដ្ឋាករទឹកស្វយ័តក្រុងភ្នំពេញ (PWSA) កំពង់ផែស្វយ័តក្រុងព្រះសីហនុ PAS និងផេសថិកPEPC បានធ្លាក់ចុះមកត្រឹម ៦.០០០រៀល ១៣.៣៨០រៀល និង២.៨៦០រៀល រៀងគ្នា។
ភាគហ៊ុនហ្ក្រេនធ្វីន (GTI)និង តំបន់សេដ្ឋកិច្ចពិសេសភ្នំពេញ (PPSP) បានរក្សាថ្លៃថេរដដែលត្រឹម៣.២៨០រៀល និង១.៥៥០រៀល។
សន្ទស្សន៍ផ.ម.ក.បានបន្តធ្លាក់ចុះ០,០៤%ទៀត មកត្រឹម ៦៣៩,២៨ពិន្ទុ ជាមួយនឹងទំហំជួញដូរភាគហ៊ុនសរុបចំនួន១២៥,៣៥លានរៀល៕
រក្សាសិទ្ធិដោយ៖CEN
