ភ្នំពេញ- បទចម្រៀង ថ្មី ដែលបង្ហាញពីរអារម្មណ៍ស្នេហា របស់តារាចម្រៀងវ័យក្មេង ជ័យ សុរ៉ាត បន្ទាប់ពីបានកុងត្រាធ្វើជាតារាចម្រៀងសាន់ដេ ។ សុវ៉ាតនៅមិនទាន់ឃើញបង្ហាញមុខអោយសកម្មនៅលើឆាកតន្ត្រីរបស់ទូរទស្សន៍នៅឡើយទេ ដោយសារតែខាងសាន់ដេ ត្រូវការអោយលោកសម្ងំចេញបទអោយបានច្រើនសិន ជាពិសេសគឺបទញាក់ផ្ទាល់ខ្លួន ដើម្បីវាយលុកទីផ្សារ។
យ៉ាងណាមិញ គេឃើញលោកទទួលបាននូវភាពលេចធ្លោរ ពោលគឺតាំងពីបទ «ក្រចេះស្នេហ៍បង» ត្រូវបានរំលេចឡើងនៅលើទីផ្សារនោះម្ល៉េះ ដោយក្នុងបទចម្រៀង«សង្សារ ឡបល់យ៎អី» ដែលជាការបកស្រាយរបស់លោកក៏ទទួលបាននូវការចាប់អារម្មណ៍ខ្លាំងក្លាផងដែរ ព្រមជាមួយនឹងការប្រកាសថា នឹងត្រៀមបញ្ចេញស្ទីលសម្ដែងអោយប្លែក នៅក្នុងបទចម្រៀងមួយនេះ។
លោកថាបទចម្រៀង«សង្សារ ឡបល់យ៎អី!» ក៏ជាបទនិពន្ធថ្មីសុទ្ធសាធក្រោមការរៀបចំរបស់សាន់ដេ នោះដែរ ដោយគ្រាន់តែបទចម្រៀងនេះ លោកគម្រោងបញ្ចេញស្ទីលថ្មីអោយទាក់ទាញខ្លាំង ដើម្បីអោយមហាជនមានការប្លែកភ្នែកផង។
លោក ជ័យ សុវ៉ាត បានអះអាងថា លោកនឹងធ្វើអោយជោគជ័យក្នុងនាមជាតារាចម្រៀងម្នាក់ ដោយមិនធ្វើអោយក្ដីស្រម៉ៃរបស់ខ្លួនមានការខកចិត្តនោះទេ បើទោះជាលោកមមាញឹកនឹងការរៀនពេទ្យមិនទាន់បញ្ចប់ទាំងស្រុង។
លោកថាសប្បាយចិត្តដែលបទចម្រៀង«សង្សារ ឡបល់យ៎អី»មានអ្នកស្គាលច្រើន ប៉ុន្តែលោកក៏រំពឹងយ៉ាងខ្លាំងថា
ក្រោយពីបទនេះចេញលក់ជាMV គឺរឹតតែមានអ្នកគាំទ្របន្ថែមទៀត៕