នេះជាខណៈពេលដ៏គួរឲ្យខ្លាច ដែលពស់វែកដ៏ធំ១ក្បាល បានបើកវែកពីដើមឈើ បំបុកក្បាលទៅនឹងបង្អួចកញ្ចក់ផ្ទះលាន់សូរខ្លាំងៗ ក្នុងបំណងចូលទៅខាងក្នុង ដើម្បីអាចជាវាយប្រហារសត្វឆ្មា ។
យ៉ាងណាមិញ វីដេអូនៃហេតុការណ៍ពស់វែក១ក្បាល ព្យាយាមបំបុកក្បាល ដើម្បីទម្លុះបង្អួចកញ្ចក់ច្រើនលើកច្រើនសាយ៉ាងខ្លាំងៗគួរឲ្យខ្លាចនេះ ត្រូវបានដឹងថាបានកើតឡើងស្ថិតនៅឯផ្ទះមួយក្នុង Brunei, ប្រទេសម៉ាឡេស៊ី ។
ទោះយ៉ាងណា វីដេអូឃ្លីបនេះ ត្រូវបានប្រគល់ឲ្យមន្ត្រីសត្វព្រៃ ដែលប្រើវាដើម្បីព្រមានពលរដ្ឋអំពីគ្រោះថ្នាក់របស់ពស់វែក ដែលវារឡើងតាមដើមឈើ ហើយចូលក្នុងផ្ទះរបស់ពួកគេតាមបង្អួច ។
ពួកមន្ត្រីនិយាយថា៖ «ចូរប្រុងប្រយ័ត្ន! ប្រសិនលោកអ្នករក្សាផ្កា ឬ ដើមឈើតូចៗ សូមកុំដាំវានៅជិតមាត់បង្អួចផ្ទះ ។ នេះសំណាងហើយ! ដែលបង្អួចកញ្ចក់ផ្ទះនោះពុំបើកចំហ» ។
អ្នកនាំពាក្យរដ្ឋាភិបាលនិយាយថា ក្មេងស្រីម្នាក់ស្ថិតនៅខាងក្នុងផ្ទះ ហើយនាងជាអ្នកកត់ត្រាវីដេអូឃ្លីបនេះ ។
ពួកគេបន្ថែមថា៖ «នាងមិនខ្លាច ប៉ុន្តែ ប្រសិនបើពស់វែកនោះ អាចលូនឡើងចូលក្នុងផ្ទះបាន នោះនឹងអាចមានបញ្ហាកើតឡើងចំពោះនាង ។ ហេតុនេះ សូមមេត្តាបិទបង្អួចជានិច្ច!» ។
ទោះយ៉ាងណា ពស់វែកនេះត្រូវបានសម្លាប់ បន្ទាប់ពីឪពុករបស់នាងបានមកដល់ផ្ទះ និងទាញដំបងវែងមួយទៅវាយប្រហារវានៅខាងក្រៅផ្ទះរបស់ពួកគេ ៕ ចន្ទី
