កូរ៉េខាងត្បូងមានផែនការបញ្ជូនបេសកជនពិសេស ទៅកូរ៉េខាងជើង ដើម្បីឆ្លើយតបនឹងសំណើរអញ្ជើញរបស់លោក គីម ជុងអ៊ុន។
លោក Moon Jae-in ប្រធានាធិបតីកូរ៉េខាងត្បូង។
ប្រធានាធិបតីកូរ៉េខាងត្បូងលោក Moon Jae-in បានជួបសន្ទនាតាមទរសព្ទជាមួយសមភាគិអាមេរិកលោក Donald Trump ។ ភាគីទាំងពីរបានឯកភាពបន្តខិតខំប្រឹងប្រែងដើម្បីរំសាយនុយក្លេអែរនៅឧបទ្វីប កូរ៉េ តាមរយះការរក្សារ ទំនាក់ទំនងចរចាអន្តរកូរ៉េ។
លោក Moon និយាយទៅលោក Trump ថា ការចាត់បេសកជនពិសេស ទៅកាន់កូរ៉េខាងជើង គឺជាការឆ្លើយតបទៅនឹងការធ្វើឱ្យក្រុងភ្យុងយ៉ាង បានបញ្ជូនមន្ត្រីជាន់ ខ្ពស់រួមមាន Kim Yo-jong, ប្អូនស្រីមេដឹកនាំ Kim Jong-un, មកកាន់កូរ៉េខាងត្បូងចូលរួមអូឡាំពិករដូវរងា។ លោកស្រី Kim Yo-jong នៅដើមខែកុម្ភៈ បានប្រគល់ជូនលោក Moon សំបុត្រអញ្ជើញរបស់បងប្រុសគាត់ ដែលអញ្ជើញលោក Moon ទៅកាន់កូរ៉េខាងជើងដើម្បីជួបពិភាក្សាថ្នាក់កំពូល។
អ្នកតំណាងរបស់កូរ៉េខាងជើង កាលពីថ្ងៃសៅរ៍ បានប្រកាសថា រដ្ឋាភិបាលក្រុងព្យុងយ៉ាង ត្រៀមខ្លួនជួបសន្ទនាជាមួយវ៉ាស៊ីងតោន ខណៈពេលដែលសេតវិមាន បានសង្កត់ធ្ងន់ថា រាល់ការចរចាជាមួយកូរ៉េខាងជើង ត្រូវឈានទៅបញ្ចប់នូវកម្មវិធីនុយក្លេអ៊ែររបស់ប្រទេសនេះ។
ប្រធានាធិបតីកូរ៉េខាងត្បូងនៅថ្ងៃទី 26 ខែកុម្ភៈបានអំពាវនាវឱ្យអាមេរិកបន្ថយលខ័ណ្ឌ ចរចាជាមួយកូរ៉េខាងជើង ហើយព្យុងយ៉ាងគួរតែបង្ហាញសុឆន្ទះបញ្ចប់នូវកម្មវិធីនុយក្លេអ៊ែរនិងកាំជ្រួចដើម្បីសន្តិភាព។ ទន្ទឹមនឹងនេះដែររដ្ឋមន្ត្រីការបរទេសកូរ៉េខាងត្បូងលោក Kang Kyung-wha បានអំពាវនាវកូរ៉េខាងជើង ឱ្យបោះបង់ចោលកម្មវិធីនុយក្លេអ៊ែរនិងគ្រាប់មីស៊ីលដើម្បីសន្តិភាព “អាចកំពុងចាប់ឫស” នោះ៕ សូយន