ប្រទេសកូរ៉េខាងជើង កាលពីថ្ងៃព្រហស្បតិ៍ម្សិលមិញ បានធ្វើការបដិសេធចំពោះ សេចក្តីរាយការណ៏ ដែលថាខ្លួន បានសហការជា មួយនឹងប្រទេសស៊ីរីដើម្បីផលិតអាវុធគីមី និងបានចាត់ទុកការចោទ ប្រកាន់នោះថា ជាការប្រឌិត ឡើងដោយសហរដ្ឋអាមេរិច ដើម្បីដាក់សម្ពាធលើខ្លួន។
ប្រព័ន្ធផ្សព្វរដ្ឋកូរ៉េខាងជើង KCNA បានដកស្រង់សំដីរបស់អ្នកនាំពាក្យ វិទ្យាស្ថានស្រាវជ្រាវដើម្បីសិក្សាពីអាមេរិចនៃក្រសួងការបរទេស បានលើកឡើងថា អាមេរិចបានបង្កើតការអះអាងដែលមិនសមហេតុផល ដែលថា ខ្លួនបានជួយប្រទេសស៊ីរីផលិតអាវុធគីមី។
អ្នកនាំពាក្យបានលើកឡើងថា “ដូចដែលយើងបាននិយាយយ៉ាងច្រើនជាច្រើនដងហើយថា រដ្ឋរបស់យើងមិនអភិវឌ្ឍន៏ ផលិត និងលាក់ទុកអាវុធគីមីនោះទេ ហើយយើងក៏ប្រឆាំងនឹងទៅអាវុធនោះផងដែរ”។
ការបដិសេធនេះបានធ្វើឡើង ក្រោយពេលមានការផ្សព្វផ្សាយដោយសារព៌តមានអាមេរិចថា ប្រទេសកូរ៉េខាងជើងបានដឹកជញ្ជូនវត្ថុធាតុដើមជាច្រើន ទៅឲ្យរោងចក្រផលិតអាវុធគីមីរបស់ប្រទេសស៊ីរី។
វត្ថុធាដើមទាំងនោះរួមមាន ការ៉ូប្រឆាំងអាស៊ីត និងកំដៅ ប្រដាប់បង្ហូរអាស៊ីត និងឧបករណ៏វាស់សីតុណ្ហភាពផងដែរ។ ការរ៉ូធន់នឹងអាស៊ីត ត្រូវបានគេជឿថា អាចនឹងប្រើប្រាស់ដើម្បីសាងសង់រោងចក្រកផលិតអាវុធគីមី៕ សុភ័ក្ត្រ