ប្រភពព័ត៌មាន Yonhap បាននិយាយថា លោកប្រធានាធិបតីកូរ៉េខាងត្បូង Moon Jae-in បានជ្រើសរើសមន្ត្រីសន្តិសុខជាន់ខ្ពស់ចំនួនពីរនាក់ជាបេសកជនពិសេសទៅកាន់កូរ៉េខាងជើង។
ប្រធានាធិបតីកូរ៉េខាងត្បូងលោក Moon Jae-in
តាម Yonhap ប្រធានការិយាល័យចារកម្មជាតិរបស់កូរ៉េខាងត្បូង Suh Hoon និងនាយកការិយាល័យសន្តិសុខជាតិកូរ៉េខាងត្បូង លោក Cheng Eui-yong នឹងក្លាយជាបេសកជន 2 រូបទៅកាន់ប្រទេសកូរ៉េខាងជើង នៅក្នុងកិច្ចខិតខំប្រឹងប្រែងដើម្បីបន្ថយភាពតានតឹងនៅលើឧបទ្វីបនេះ។
ទោះយ៉ាងណាក៏ដោយក្រុមអ្នកសង្កេតការណ៍បាននិយាយថា កិច្ចប្រឹងប្រែងនេះអាចត្រូវបានរំខាននៅក្នុងបរិបទ ដែលអាមេរិកនិងកូរ៉េខាងត្បូងបានសម្រេចចិត្តចាប់ផ្តើមធ្វើសមយុទ្ធរួមគ្នាតាមការគ្រោងទុក។
តាមផែនការនោះកងទ័ពអាមេរិកនិងកូរ៉េខាងត្បូងនឹងធ្វើសមយុទ្ធរួមគ្នានៅដើមខែមេសា បន្ទាប់ពីត្រូវបានផ្អាកក្នុងអំឡុងពេលប្រព្រឹត្តទៅនៃកីឡាអូឡាំពិករដូវរងា។
ទីភ្នាក់ងារព័ត៌មាន KCNA នៅថ្ងៃទី១ ខែមីនា បានចុះផ្សាយបទវិចារណកថា និយាយថា ៖ “ប្រសិនបើសហរដ្ឋអាមេរិក បន្តធ្វើសមយុទ្ធរួម ខណៈដែលបន្តដាក់ទណ្ឌកម្មលើកូរ៉េខាងជើងនោះ ក្រុងព្យុងយ៉ាងនឹងសងសឹកប្រឆាំងនឹងអាមេរិកតាមវិធីវាយបកដោយឡែក ហើយសហរដ្ឋអាមេរិកនឹងត្រូវទទួលខុសត្រូវចំពោះផលវិបាកកើតមានឡើង។ អាមេរិកគួរតែយល់អំពីរឿងនេះហើយគួរតែបញ្ទាក់ពីការវៃឆ្លាត”៕ សូយន