ពោធិ៍សាត់ ៖ ប្រទះឃើញសពបុរសម្នាក់ដេកស្លាប់ ដែលករណីនេះកើតឡើងគ្រោះថ្នាក់ចរាចរណ៍ដោយខ្លួនឯង គឺជនរងគ្រោះបានជិះកង់ ពេលយប់ស្ងាត់ ហើយដួល រួចដែកកង់នោះបានជុងត្រូវខាងលើបំពង់ក មុតជ្រៅ ហូរឈាមស្រោចលើខ្លួនមិនឈប់ រហូតសោះខ្លួនក៏ដាច់ខ្យល់ស្លាប់។
ហេតុការណ៍ភ្ញាក់ផ្អើលខាងលើបានកើតឡើងនៅព្រឹកថ្ងៃទី៦ ខែមីនា ឆ្នាំ២០១៨ ត្រង់ភូមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់។
យោងតាមការស្រាវជ្រាវរបស់កម្លាំងជំនាញព្រហ្មទណ្ឌខេត្តស្រុកកម្លាំងអាវុធហត្ថជាមួយនគរបាលផ្នែកបច្ចេកទេសនិងវិទ្យាសាស្ត្ររបស់ស្នងការនិងខាងគ្រូពេទ្យជំនាញដែលសហការនិងអាជ្ញាធរមូលដ្ឋាន លោកខៀវ សុខា នាយប៉ុស្ត៍រដ្ឋបាលឃុំក្បាលត្រាចបានឲ្យដឹងថា ជនរងគ្រោះរៀម ផ្លូច ភេទប្រុស អាយុ២៨ឆ្នាំ រស់នៅភូមិឃុំកើតហេតខាងលើ។ជនរងគ្រោះត្រូវបានជំនាញរកឃើញមានអាវុធមុតស្រូចទម្លុះខាងលើបំពុងក១កន្លែង និងខាងក្រោយខ្នង១កន្លែងទៀត ដែលធ្វើឲ្យគេហូរឈាមមិនឈប់រហូតសោះឈាមគ្មាននរណាដឹងដេកស្លាប់តែម្ដង។
យោងតាមការស្រាវជ្រាវ គឺករណីនេះគ្រោះថ្នាក់ចរាចរណ៍ដោយខ្លួនឯង គឺជនរងគ្រោះខាងលើ បានជិះកង់កញ្ចាស់ពណ៌លឿង ពេលយប់ស្ងាត់ ហើយទៅដួលនិងក្បែរផ្លូវចូលវត្តចំណុចខាងលើ រួចដែកកង់នោះបានជុងត្រូវខាងលើបំពុងក មុតជ្រៅ ហើយបុរសនោះប្រាស់លើកង់នោះក៏ជុងនិងដែកកង់ខាងខ្នងមួយកន្លែងទៀតហូរឈាមស្រោចលើខ្លួនមិនឈប់ ទាំងយប់ស្ងាត់ពុំមាននរណាដឹករហូតហូរឈាមសោះខ្លួនក៏ដាច់ខ្យល់ស្លាប់៕ ដោយ៖បញ្ញាស័ក្តិ