យន្តហោះដែលមានគ្រឿងម៉ាស៊ីន ៤ របស់ Tez Jet Airlines, Kyrgyzstan ដឹកមនុស្ស ៩៦នាក់ បានធ្វើការហោះហើរមិនយូរប៉ុន្មានផង ស្រាប់តែម៉ាស៊ីនមួយបានផ្ទុះ។
ហេតុការណ៍នេះបានកើតឡើងតាំងពីថ្ងៃ១ មីនា ប៉ុន្តែគេទើបធ្វើការផ្សព្វផ្សាយ។ យន្តហោះមានម៉ាស៊ីន៤ RG-85 ផលិតដោយក្រុមហ៊ុន British Aerospace របស់ក្រុមហ៊ុនអាកាសចរណ៍ Tez Jet Airlines, Kyrgyzstan ដែលដឹកមនុស្ស ៩៦នាក់ ចេញដំណើរពីរដ្ឋធានី Bishkek ឆ្ពោះទៅកាន់ទីក្រុង Batken។
ប៉ុន្តែទើបហោះហើរបានមួយសន្ទុះស្រាប់តែម៉ាស៊ីនមួយបានផ្ទុះផ្សែងខ្មៅងងឹតបានក្រសោបយន្តហោះទាំងមូល។ ភ្លាមៗនោះ អវកាសយានិកបានបង្វែក្បាលចុះសុំចតបន្ទាន់នៅព្រលានយនហោះដើមវិញ ក្រោយពេលហោះហើរបាន ៣០នាទី។
យន្តហោះបានចុះចតដោយសុវត្ថិភាពក្នុងស្នូរបន្ធូរដង្ហើម រួមនឹងការទះដៃអបអររបស់អ្នកដំណើរដែលគិតថា ពួកគេបានរស់ម្តងទៀត។ ពុំមានអ្នករងរបួសទេ។ សមត្ថកិច្ចកំពុងបើកការស៊ើបអង្កេតស្រាវជ្រាវមូលហេតុ៕ សូយន