ប៉ូលីសបានចុះផ្សាយរូបភាពនារីរកស៊ីផ្លូវភេទ២នាក់ ដែលត្រូវបានចាប់បាននៅក្នុងបន្ទប់សណ្ឋាគារ រួមជាមួយស្រោមអនាម័យយ៉ាងច្រើន ។ នេះបើយោងតាមរបាយការណ៍ដែលត្រូវបានបញ្ចេញដោយប៉ូលីសនៅក្នុងប្រទេសសិង្ហបុរី ។
កងកម្លាំងប៉ូលីសសិង្ហបុរី បាននិយាយថា ពួកគេបានបើកប្រតិបត្តិការប្រឆាំងអបាយមុខ ស្ថិតនៅតាមបណ្តោយផ្លូវ Middle Road និង Balestier Road កាលពីសប្តាហ៍មុន នៅពេលនោះ ពួកគេបានរកឃើញស្ត្រីរកស៊ីផ្លូវភេទ កំពុងបំរើដល់ភ្ញៀវនៅក្នុងបន្ទប់សណ្ឋាគារ ។
ក្នុងអំឡុងពេលប្រតិបត្តិការ បុរសអាយុ ៤៥ ឆ្នាំ ម្នាក់ និងស្ត្រីរកស៊ីផ្លូវភេទ ២ នាក់ អាយុ ២៧ ឆ្នាំ និង ៣០ ឆ្នាំ ដែលពុំត្រូវបានកំណត់អត្តសញ្ញាណ ត្រូវបានចាប់ខ្លួនក្នុងករណីពាក់ព័ន្ធសង្ស័យ ក្នុងសកម្មភាពរកស៊ីផ្លូវភេទ ។
ការស៊ើបអង្កេតបឋម បានបញ្ចេញថា ស្ត្រីទាំងនោះ បានផ្សព្វផ្សាយសេវាផ្លូវភេទរបស់ពួកគេ នៅលើគេហទ័ព័រជាច្រើន និងកំពុងរកស៊ីនៅតាមសណ្ឋាគារ ស្ថិតនៅតាមបណ្តោយផ្លូវ Middle Road និង Balestier Road ។
បុរសម្នាក់ ត្រូវបានគេជឿថា អ្នកគ្រប់គ្រងប្រាក់ចំណូលដែលបានមកពីសេវាផ្លូវភេទរបស់នារីទាំងនោះ ។
ស្ថិតក្រោមច្បាប់នារី មនុស្សណាម្នាក់ដែលស្ថិតនៅក្នុងផ្នែក ពីការទទួលបានប្រាក់ចំណេញពីមុខរបរផ្លូវភេទ ពីមនុស្សដទៃ នោះនឹងប្រឈមមុខជាប់ពន្ធនាគារ ៥ ឆ្នាំ និងផាកពិន័យរហូតដល់ ១០,០០០ ដុល្លារអាមេរិក ។
ប៉ូលីសជឿថា នារីទាំងពីរ បានបំរើសេវាកម្មផ្លូវភេទដល់បុរសៗរាប់សិបនាក់ ក្នុង១ថ្ងៃៗ ៕ ចន្ទី
