មនុស្សចំនួន ៣៩នាក់បានស្លាប់បាត់បង់ជីវិត នៅពេលយន្តហោះយោធារុស្សីមួយគ្រឿងបានធ្លាក់ កាលពីថ្ងៃអង្គារម្សិលមិញនេះ ខណៈពេលកំពុងព្យាយាមចុះចតនៅមូលដ្ឋានអាកាស Hmeimin ស្ថិតក្នុងប្រទេសស៊ីរី។ នេះបើតាមការចេញផ្សាយរបស់ CNN នៅព្រឹកថ្ងៃពុធនេះ។
ក្នុងចំណោមអ្នកស្លាប់ មាន ៣៣នាក់ជាអ្នកដំណើរ និង ៦នាក់ជាបុគ្គលិក។ មានសេចក្តីរាយការណ៏ខាងដើមបញ្ជាក់ថា បញ្ជាក់ថា មនុស្សតែចំនួន ៣២នាក់ប៉ុណ្ណោះបានស្លាប់។
បើតាមសេចក្តីប្រកាសរបស់ក្រសួងការពារជាតិរុស្សីបានឲ្យដឹងថា ការធ្លាក់នេះកើតឡើងនៅពេលយន្តហោះប្រភេទ Antonov-26 បានធ្លាក់ចុះពីកំពស់ ៥០០ម៉ែត្រ មុនពេលព្យាយាមចុះចតត។
ក្រសួងបញ្ជាក់ទៀតថា ខ្លួនកំពុងធ្វើការស៊ើបអង្កេតលើហេតុការណ៏នោះ និងបានបន្ថែមថា បើតាមទិន្នន័យបឋមបានឲ្យដឹងថា ការធ្លាក់នោះអាចបណ្តាលមកពីបញ្ហាបច្ចេកទេស៕ សុភ័ក្ត្រ