ដោយចង់យល់និងបញ្ជាក់ច្បាស់ពីស្ថានភាពរើសអើងបែងចែកវណ្ណៈភាពសង្គម ពិសេសចំពោះជនអនាថា សេដ្ឋីម្នាក់ បានសាកល្បងក្លែងកាយជាជនអនាថា រួចចូលហាង McDonald’s មួយ។ គួរបញ្ជាក់បន្ថែមថា ស្ត្រីរូបនេះឈ្មោះ Coby Persin គាត់ជាអ្នកបង្កើត Youtube ឆាណែលដ៏ល្បីល្បាញមួយដាក់ឈ្មោះលោកតែម្តង។
ក្នុងសម្លៀកបំពាក់ជាជនអានាថា ស្លៀកខោរហែក ស្ពាយថង់សំរាមមួយ លោកបានដើរចូលទៅក្នុងហាងនោះរួចសួរអ្នកបម្រើថា ៖ “តើអ្នកអាចជួយខ្ញុំនិង Ronaldo មិត្តរបស់ខ្ញុំនៅកន្លែងអង្គុយមួយបានដែរឬទេ? ហើយពួកខ្ញុំសុំមើលមីនុយផង?”។ បុគ្គលិកបម្រើការបានបដិសេធភ្លាមៗថា ៖ “សុំទោសលោក ពួកខ្ញុំពុំអាច… ព្រោះអ្វីៗនៅទីនេះពិតជាថ្លៃណាស់ចំពោះអ្នក!”។
Coby ពោលបន្ត ៖ “តើលោកអាចឲ្យខ្ញុំមើលមីនុយបានដែរឬទេ?”
អ្នកបម្រើឆ្លើយ ៖ ពួកខ្ញុំពុំអាចបម្រើលោកបានទេ!
Coby ៖ “ប៉ុន្តែខ្ញុំមានលុយណា!”។
អ្នកបម្រើ ៖ “តើលោកអាចទៅវិញបានហើយឬនៅ?”។
Coby ពិតជាភ្ញាក់ផ្អើលយ៉ាងខ្លាំងព្រោះនឹកស្មានពុំដល់ គាត់បានយកទូរស័ព្ទរបស់ខ្លួនដើម្បីសុំអ្នកជំនួយ។ ខណៈពេលជាមួយគ្នានោះ អ្នកបម្រើនិយាយបន្ថែមថា ៖ “លោកអាចហៅទូរស័ព្ទក្រោយពីចេញផុតពីហាងរបស់យើងខ្ញុំ!”។
ប៉ុន្មាននាទីក្រោយមក Ronaldo ដែលជាមិត្តភក្តិរបស់ Coby ក៏បានបើកឡាន Rolls-Royce ដ៏ទំនើបមកដល់។
បន្ទាប់មកគាត់ក៏បើកគូទឡានយកកាបូបមួយចេញហុចឲ្យ Coby។
នៅខាងក្នុងកាបូបស្បែក គឺសុទ្ធសឹងជាសាច់ប្រាក់សុទ្ធ។ Coby បានបើកកាបូបហើយនិយាយទៅកាន់អ្នកបម្រើថា ៖ “ឃើញទេខ្ញុំក៏ជាអ្នកមានលុយ។ លោកពុំគួរវាយតម្លៃអ្នកដទៃ ដោយគ្រាន់តែសម្លឹងមើលសភាពខាងក្រៅរបស់ពួកគេ ខ្ញុំអាចទិញយកហាងនេះ ហើយបណ្តេញលោកចេញ។ ថ្ងៃនេះចាត់ទុកថា លោកនៅមានសំណាងទៅចុះ!”។
ចុងក្រោយ Coby ងាកមកនិយាយជាមួយមិត្តរបស់ខ្លួន តោះយើងនាំគ្នាទៅញ៉ាំ ប៊ិស្តេក! ខណៈពេលអ្នកបម្រើបានឈរទ្រឹងមួយកន្លែង។
រឿងរ៉ាវទាំងអស់ត្រូវបាន Coby ថតរួចបង្ហោះលើបណ្តាញ Youtube ដើម្បីបញ្ជាក់ថា សង្គមបច្ចុប្បន្នពិតជាមានរឿងអយុត្តិធម៌ច្រើន ពិសេសគឺការរើសអើង បែងចែកវណ្ណៈភាពក្នុងសង្គម៕
