សមុទ្របានស្ងប់ស្ងាត់ នៅពេលនោះ គូស្នេហ៍វ័យក្មេង១គូ ក៏បាននាំគ្នាឡើងទៅលើផ្ទាំងថ្មមាត់ច្រាំង ដើម្បីថតរូប Selfie នៅឯឆ្នេរសមុទ្រ Rio Dia Ostras ស្ថិតក្នុងទីក្រុង Rio de Janeiro ប្រទេសប្រេស៊ីល ។
ទោះយ៉ាងណា ខណៈពេលដ៏សែនស្លុតរន្ធត់បានកើតឡើងភ្លាមៗ បន្ទាប់ពីអំណាចរលកធំៗ បានបក់បោកច្រាំងយ៉ាងខ្លាំងៗ បណ្តាលឲ្យគូសេ្នហ៍នេះ ធ្លាក់ចុះសមុទ្រតែម្តង ។
តាមរយៈវីដេអូឃ្លីប បានបង្ហាញឲ្យឃើញគូស្នេហ៍នេះ បានខំប្រឹងតស៊ូក្នុងទឹកពោរពេញដោយបោកបក់យ៉ាងសាហាវ ដែលធ្វើឲ្យអ្នកលេងអ៊ីនធើរស្លុតរន្ធត់ស្ទើរគាំងបេះដូងតែម្តង ។
នៅក្នុងវីដេអូ ត្រូវបានលឺបុរសម្នាក់ដែលជាអ្នកថត បានស្រែកយ៉ាងសន្ធាប់ហៅមិត្តៗភក្តិរបស់គាត់ មកជួយសង្គ្រោះអ្នកទាំងពីរ ខណៈពួកគេកំពុងត្រូវបានវាយប្រហារដោយរលកសមុទ្រធំៗដ៏គួរឲ្យខ្លាច ។
មនុស្សដែលចូល Comment ចំពោះព័ត៌មានដ៏រន្ធត់នេះ បាននិយាយថា នារីនោះត្រូវបានជួយសង្គ្រោះពីក្នុងទឹក ប៉ុន្តែ បានស្លាប់នៅក្នុងមន្ទីរពេទ្យ ខណៈបុរសជាគូស្នេហ៍របស់នាង បានបាត់ខ្លួននៅក្នុងសមុទ្រ ៕
សូមកុំប្រថុយអាយុជីវិតរបស់អ្នក ស្ថិតក្នុងស្ថានភាពបែបនេះណ៎ា ! ។ បំណងល្អពី៖ ចន្ទី (CEN)