រសៀលថ្ងៃទី ៦ ខែមីនា លោក លីខឹឈាង នាយករដ្ឋមន្ត្រីចិនបានអញ្ជើញចូលរួមសនិ្នសីទ នៃគណៈប្រតិភូតំណាងប្រជាជនខេត្តក្វាងស៊ី នៃមហាសន្និបាតលើកទីមួយ នៃសភាតំណាងប្រជាជនទូទាំងប្រទេសចិននីតិកាលទី ១៣ ដើម្បីពិនិត្យពិភាក្សាអំពីរបាយការណ៍ការងាររដ្ឋាភិបាល។
ថ្លែងក្នុងសនិ្នសីទ លោកបានលើកឡើងថា ក្នុងរយៈពេល៥ឆ្នាំកន្លងទៅ ក្រោមការដឹកនាំដ៏រឹងមាំរបស់មជ្ឈិមបក្សកុម្មុយនិស្តចិនដែលមានលោក ស៊ីជីនភីង ជាប្រមុខស្នូល ការអភិវឌ្ឍរបស់ប្រទេសចិនទទួលបានសមិទ្ធផលជាប្រវតិ្តសាស្ត្រ និងមានការផ្លាស់ប្តូរជាប្រវតិ្តសាស្ត្រផងដែរ។
ដោយឡែកខេត្តក្វាងស៊ីទទួលបានស្នាដៃក្នុងការអភិវឌ្ឍដែលបានមកដោយមិនងាយនិងមានតម្លៃពន់ពេកដែលមានសូចនាករសេដ្ឋកិច្ចសំខាន់ៗខ្ពស់ជាងមធ្យមភាគរបស់ទូទាំងប្រទេស។ ឆ្នាំនេះ ភារកិច្ចធ្វើកំណែទម្រង់និងអភិវឌ្ឍនៅតែមានឧបសគ្គធំៗជាច្រើន ពួកយើងត្រូវអនុវត្តយ៉ាងប្រាកដប្រជានូវស្មារតីនៃសមាជបក្សកុម្មុយនិស្តចិនលើកទី ១៩ឲ្យបានល្អ ចាត់ទុកគំនិតសង្គមនិយមប្រកបដោយលក្ខណៈពិសេសប្រទេសចិនក្នុងយុគសម័យថ្មីរបស់លោកស៊ីជីនភីង ជាគោលការណ៍ណែនាំ ព្រមនិងអនុលោមតាមសំណូមពរធ្វើការអភិវឌ្ឍដែលប្រកបដោយគុណភាពខ្ពស់ ខំប្រឹងរិះរកវិធីសាស្ត្រល្អសម្រាប់ការអភិវឌ្ឍ និងផ្តោតសំខាន់ទៅលើប្រសិទ្ធភាពជាក់ស្តែងនៃការអភិវឌ្ឍ ក៏ដូចជារៀបចំនិងចាត់ចែងការងារគ្រប់ផ្នែកឲ្យបានល្អ ដើម្បីរក្សាកំណើនដោយនឹងនរ ជំរុញកំណែទម្រង់ កែសម្រួលរចនាសម្ព័ន្ធ ផ្តល់ផលប្រយោជន៍ដល់ប្រជាជននិងបង្ការហានិភ័យជាដើម៕ ដោយ ៖ CCFR
