មិនយូរប៉ុន្មានក្រោយពីហេតុការគ្រោះថ្នាក់កើតឡើង ក្រុមវេជ្ជបណ្ឌិតបានសន្និដ្ឋានថា ស្លាប់ រួចបញ្ជូនសាកសពរបស់គាត់ទៅក្នុងបន្ទប់ក្លាស្សេដើម្បីថ្ងៃស្អែកគេធ្វើកោសល្យវិច្ឆ័យកំណត់ពីមូលហេតុដែលស្លាប់។
Himanshu Bharadwaj ត្រូវបានសន្និដ្ឋានថា ស្លាប់ក្រោយករណីគ្រោះថ្នាក់ចរាចរណ៍មួយ ហើយបាន “រស់ឡើងវិញ” ក្រោយពីដេកក្នុងបន្ទប់សាកសពអស់១យប់។
ប៉ុន្តែនៅព្រឹកថ្ងៃបន្ទាប់ពេលដែលក្រុមគ្រូពេទ្យកំពុងត្រៀមដំណើរការធ្វើកោសល្យវិច្ឆ័យសាកសព នោះពួកគេបាស់សក់ច្រូង ព្រោះឃើញថា Himanshu ពុំទាន់ស្លាប់ទេ ព្រោះជីបចរ និងប្រព័ន្ធផ្លូវដង្ហើមរបស់គាត់នៅមានសកម្មភាព។
ភ្លាមៗនោះ Himanshu ត្រូវបានបញ្ជូនទៅបន្ទប់សង្គ្រោះបន្ទាន់វិញ ដើម្បីក្រុមវេជ្ជបណ្ឌិតធ្វើការសង្គ្រោះលោកសារជាថ្មី។ ប៉ុន្តែបច្ចុប្បន្នស្ថានភាពរបស់ Himanshu នៅពុំទាន់មានអ្វីប្រសើរឡើង ហើយខួរក្បាលលោកលែងដំណើរការ។ រថយន្តរបស់ Himanshu រងការខូចខាតយ៉ាងធ្ងន់ធ្ងរ។
តាមប្រព័ន្ធផ្សព្វផ្សាយនោះទង្វើធ្វើឲ្យរួចពីដៃរបស់ក្រុមគ្រូពេទ្យសង្គ្រោះបានបង្កឲ្យមាននូវការភ័ន្តច្រឡំមហាគ្រោះថ្នាក់នេះ។ តាមវេជ្ជបណ្ឌិត Gedam ដែលជាវេជ្ជបណ្ឌិតម្នាក់ក្នុងចំណោមគ្រូពេទ្យជួយសង្គ្រោះ Himanshu បន្តចចេសពោលការពារថា “ពេលនោះជីបចរនិងដង្ហើមរបស់ Himanshu បានបាត់បង់ទាំងស្រុង រាងកាយរបស់លោកក៏ពុំមានសេសសល់មានជីវិតដែរ!? វេជ្ជបណ្ឌិតរូបនេះ នៅបាននិយាយថា ៖ បណ្តាផ្នែកផ្លូវដង្ហើមរបស់គាត់មានសកម្មភាពឡើងវិញនៅព្រឹកថ្ងៃបន្ទាប់។ ពេលខ្លះអ្នកជំងឺដែលខួរក្បាលបានស្លាប់ ប៉ុន្តែបេះដូងនិងប្រព័ន្ធដង្ហើម នៅអាចមានសកម្មភាពបន្តមួយរយៈ។ រឿងនេះឯងបានកើតឡើងចំពោះ Himanshu។
វេជ្ជបណ្ឌិត Gedam ឲ្យដឹងបន្ថែមថា ៖ “ពេលនេះយើងខ្ញុំបានបញ្ជូនគាត់ទៅកាន់មន្ទីរពេទ្យមួយធំជាងមានឧបករណ៍គ្រប់គ្រាន់ ប៉ុន្តែស្ថានភាពរបស់គាត់នៅពុំទាន់មានអ្វីប្រសើរឡើងទេ៕ លីសា
