ភ្នំពេញ-កាលពីព្រឹកថ្ងៃទី៨ មីនា ពិធីការិនីឆ្នើម អ្នកនាង គង់ សុជាតិ និងតារាសម្តែង នាង គីម លីហ្សា បានជួបជុំគ្នាក្នុងពិធីសំណេះសំណាលមួយដែលរៀបចំឡើងដោយ ក្រុមហ៊ុន នូទ្រីលេត ដើម្បីចែករំលែក នូវពិធីសាស្ត្រក្នុងការថែរក្សាគភ៌ក្នុងអំឡុងពេលមានផ្ទៃពោះ ដើម្បីឲ្យម្តាយនិងកូនក្នុងផ្ទៃទទួលបានសុខភាពល្អ និង ប្រាជ្ងាឆ្លាតវៀងវៃ។
ពិធីការិនី គង់ សុជាតិ បានឲ្យដឹងថា ថ្ងៃនេះនាងមានអារម្មណ៍សប្បាយរីករាយ ដែលបានជួបបងប្អូនស្ត្រីដែលជួបជុំគ្នានិយាយពីបញ្ហាសុខភាព និងការយកចិត្តទុកដាក់ស្តីពីការថែទាំ នៃការរក្សាគភ៌។ អ្នកនាង ថាថ្ងៃនេះបងប្អូនដែលបានចូលរួម និងបានស្តាប់យោបល់និង គន្លឹះ នៃការថែទាំសុខភាពខ្លួនឯង និង ទារកក្នុងផ្ទៃ។
អ្នកនាង នៅតែគិតថា ការបន្តគាំទ្ររបស់ម្សៅទឹកដោះគោ នូទ្រីម៉ាម ដែលបានបន្តយកអ្នកនាង ជាអ្នកតំណាងផលិតផលនៃម្សៅទឹកដោះគោ ព្រោះអ្នកនាងយល់ថា ផលិតផលមួយនេះ មានគុណភាពខ្ពស់ ព្រោះកំឡុងពេលដែលអ្នកនាងមានផ្ទៃពោះ ព្រោះសុខភាពរបស់អ្នកនាង មានភាពខុសគ្នា បើធៀបទៅនឹងការដែលអ្នកនាងមានផ្ទៃពោះចំពោះកូនមុនៗ របស់អ្នកនាង។ គង់ សុជាតិ បន្តថា ពេលដែលអ្នកនាងមានកូនមុនៗ គឺអ្នកនាងឆាប់ហត់ និង ឡើងគីឡូខ្លាំង ប៉ុន្តែក្រោយពេលដែលចាប់ផ្តើមធ្វើជាអ្នកតំណាងផលិតផលម្សៅទឹកដោះគោ នូទ្រីម៉ាម មក អ្នកនាង មានអារម្មណ៍ខុសប្លែកព្រោះអ្នកនាងមានការងារច្រើនជាងមុន ប៉ុន្តែមិនចាញ់ មានកម្លាំង ហើយអ្វីដែលសំខាន់ គឺមិនឡើងគីឡូ និង មិនធ្វើឲ្យក្អួតចង្អោរ។
មិនចំពោះតែម្តាយ ដែលមានសុខភាពល្អ សូម្បីតែកូនក្នុងផ្ទៃ ក្រោយពេលសម្រាល អ្នកនាង គង់ សុជាតិ ថាកូនស្រីរបស់អ្នកនាង មានសុខភាពល្អ ខួរក្បាលឆ្លាតរហ័សរហួនទេ សូម្បីតែស្បែកស្អាត រលោង តែម្តង។
ហេតុដូច្នេះហើយទើបអ្នកនាង នៅតែបន្តចុះកុងត្រា ធ្វើជាអ្នកតំណាងផលិតផល របស់ម្សៅទឹកដោះគោ នូទ្រីម៉ាមបន្តទៀត។
ជាមួយគ្នានេះ ស្របពេលទិវាសិទ្ធិនារីអន្តរជាតិ ឆ្នាំ២០១៨ លើកទី១០៧ លោកទឹម សុវណ្ណារ៉ា នាយកក្រុមហ៊ុននូទ្រីលែតម៉ាស្ទ័រ អិលអិម ខូលអិលធីឌី ដែលជាក្រុមហ៊ុនទទួលសិទ្ធិនិងចែកចាយផលិតផល ម្សៅទឹកដោះគោម៉ាក នូទ្រីម៉ាម ពីប្រទេសសិង្ហបុរី ក៏បានជូនពរ ដល់ស្ត្រីទាំងអស់ក្នុងប្រទេសកម្ពុជា មានសុខភាពល្អ និងសូមថែរក្សាសុខភាពក្នុងអំឡុងពេលពរពោះដោយទទួលទានអាហាឲ្យបានត្រឹមត្រូវ និងសម្រាកឲ្យបានគ្រប់គ្រាន់ ជាពិសេសព្យាយាមធ្វើចិត្តឲ្យបានសប្បាយដើម្បីទទួលយកនូវអ្វីដែលថ្មីសម្រាប់ជីវិតរស់នៅ។ ដោយឡែក អ្នកនាង គង់ សុជាតិ ដែលជាពិធីករល្បីឈ្មោះប្រចាំនៅកម្ពុជា និងជាអ្នកតំណាងឲ្យផលិតផលម្សៅទឹកដោះគោ នូទ្រីម៉ាម ក៏បានស្នើរដល់ស្រី្តៗដែលជាម្តាយ និងកំពុងពរពោះ សូមបង្កើនយក ចិត្តទុកដាក់ឲ្យបានខ្លាំងព្រោះថា បច្ចុប្បន្នអាហារដែលទទួលសព្វថ្ងៃមិនអាចផ្តល់ឲ្យគ្រប់គ្រាន់ទេដល់ទារក ក្នុងផ្ទៃ និងបុត្រដែលកើតមកហើយក្តីពោលគឺត្រូវគិតឲ្យបានដិតដល់ មុនទទួលយកផលិតផលណាមួយ មកទទួលទានសម្រាប់សុខភាព។
សូមបញ្ជាក់ថា សិក្ខាសាលារៀបចំឡើងដោយក្រុមហ៊ុន នូទ្រីលែត ម៉ាស្ទ័រ អិលអិម ក្រោមប្រធានបទវិធីនៃការថែរក្សាគភ៌ក្នុងអំឡុងពេលមានផ្ទៃពោះ ក្នុងគោលបំណងដើម្បីជួយលើកដម្កើងសុខភាពស្ត្រី មាតា និងទារក
ដើម្បីបង្កើនការយល់ដឹងដល់អ្នកប្រើប្រាស់យកទទួលទានអំពីវិធីថែទាំសុខភាពក្នុងកំឡុងមានផ្ទៃពោះ៕ ដោយ-គីមស្រីរ័ត្ន