កូនក្រមុំម្នាក់នៅ Chai Nat ប្រទេសថៃ ព្រមានដល់កូនក្រមុំដទៃ នៅលើហ្វេសប៊ុក អំពីការជ្រើសភ្នួងការមានជំនាញឲ្យបានត្រឹមត្រូវ សម្រាប់ថ្ងៃមង្គលដ៏ពិសេសមួយនេះក្នុងឆាកជីវិតរបស់ពួកគេ បន្ទាប់ពីការតុបតែងផាត់មុខ នៃថ្ងៃអាពាហ៍ពិពាហ៍របស់នាង បានជ្រុលខុសអស់ទៅហើយ ដោយសារតែស្នាដៃភ្នួងគ្មានជំនាញ ។
Darika Klinkuhlab បានម៉ៅ១កំប្លែ ពីហាងសំអាងការមួយទើបបើកថ្មី ស្ថិតនៅក្បែរផ្ទះរបស់នាង ព្រោះនាងបានគិតថា វានឹងមានភាពងាយស្រួលជាងការទៅជួលហាងសំអាងអាជីពផ្សេង ដែលស្ថិតនៅឆ្ងាយពីផ្ទះរបស់នាង ។
ប៉ុន្តែ ពុំនឹកស្មានថា លទ្ធផលរង់ចាំ makeup ជាង ៣ ម៉ោង ពីភ្ជួងគួរឲ្យទុកចិត្តនោះ បែរជាធ្វើឲ្យសម្រស់ផ្ទៃមុខរបស់នាង ប្រៀបផ្ទឹម និងសឹងតែពុំស្មើនឹងសម័យជាង ២០ ឆ្នាំ មុនបែបនេះសោះ ព្រោះថា ផ្ទៃមុខរបស់ពួកគេឡើងគគ្រើម ដូចយកម្សៅ…អង្ករប៉ាតអីចឹង ។
ដោយខកចិត្តនឹងសេវាពីអ្នកភ្ជួងនៃហាងសំអាងនេះរួចមក នាងក៏បានព្រមានដល់អ្នកដទៃ គួរស្វែងរកភ្នួងការដែលល្អ ប្រកបដោយជំនាញត្រឹមត្រូវ នៅលើបណ្តាញសង្គមតែម្តង ។ រឿងរ៉ាវនេះ ក្រោយមក ក៏បានលេចធ្លាយដល់អ្នកថតរូបអាជីពនៅក្នុងទីក្រុងបាងកកម្នាក់ឈ្មោះ Park Eun Young ។
Park បានយល់ពីអារម្មណ៍ខកចិត្តរបស់កូនក្រមុំរូបនេះ ហើយគាត់ក្រោយមក ក៏បានផ្តល់ឲ្យនាង និងស្វាមីរបស់នាង ជាមួយសេវា makeup និងរួមជាមួយគ្រប់ឈុតសម្លៀកបំពាក់ដ៏ស្រស់ៗស្អាត ដើម្បីថតរូបអាពាហ៍ពិពាហ៍របស់ពួកគេឡើងវិញ ដោយពុំយកថ្លៃសេវាទាំងអស់ ។
ជាអកុល នាង Darika បានបដិសេធទទួលយកនូវការផ្តល់ជូនហ្វ្រីនេះរបស់ Park ទេ ព្រោះតែផ្ទះរបស់នាង ស្ថិតនៅឆ្ងាយពីទីក្រុងបាងកក ។ ប៉ុន្តែ Park នៅតែទទួចថា នាង និងស្វាមី គួរទទួលយកសំណើរបស់ខ្លួន ដើម្បីបង្កើតអាល់ប៊ុកអាពាហ៍ពិពាហ៍អស្សាវរីយ៍ដ៏ស្រស់ត្រកាលមួយ ៕ ចន្ទី
ខាងក្រោមជាងកំរងអាពាហ៍ពិពាហ៍ថ្មីរបស់ Darika និងស្វាមីរបស់នាង៖
