នៅថ្ងៃ ៨ មីនា នៅរដ្ឋធានីបេកាំង រដ្ឋមន្ត្រីការបទេសចិនវ៉ាងយី បានឆ្លើយតបនឹងកិច្ចសម្ភាសន៍របស់អ្នកសារព័ត៌មានអំពីគោលនយោបាយការបទេសរបស់ប្រទេសនេះជាមួយអាមេរិក រុស្ស៊ី និងអាស៊ាន។
រដ្ឋមន្ត្រីការបទេសចិន វ៉ាងយី ឆ្លើយតបនឹងអ្នកសារព័ត៌មានជុំវិញគោលនយោបាយការទូតរបស់ប្រទេសនេះ។
លោកវ៉ាងយី អះអាងថា ខ្លឹមសាស្នូលក្នុងទំនាក់ទំនងរវាងចិន និងអាមេរិកគឺសហប្រតិបត្តិការខណៈពេលដែលពលរដ្ឋប្រទេសទាំងពីរក៏កំពុងមានទំនាក់ទំនងទូលំទូលាយ និងជិតស្និទ្ធ។
តួលេខស្ទាបស្ទង់ថ្មីបំផុតបង្ហាញឲ្យឃើញថា ពលរដ្ឋអាមេរិកជាង ៥០% មានសមាន្យចិត្តជាមួយចិន ដែលនេះជាកម្រិតខ្ពស់បំផុតក្នុងអំឡុងពេល ៣០ឆ្នាំកន្លងមក។ កត្តាដើរតួនាទីសកម្មធ្វើឲ្យចំណងទាក់ទងប្រទេសទាំងពីរមានកំណើន ដោយហេតុថា កិច្ចសហប្រតិបត្តិការ ចិន-អាមេរិក បាននាំមកនូវផលប្រយោជន៍ដល់ប្រជាជនប្រទេសទាំងពីរ ក៏ដូចជាប្រជាជនលើពិភពលោក។
ឆ្លើយតបនឹងបញ្ហា “ជម្លោះ” ពាណិជ្ជកម្ម លោកវ៉ាងយី សង្កត់ធ្ងន់ថា ការប្រកួតប្រជែងរវាងប្រទេសទាំងពីរ គឺជាការប្រជែងមួយមានលក្ខណៈសកម្ម។ លោកថា សង្គ្រាមពាណិជ្ជកម្មពុំមែនជាវិធីសម្រាប់ដោះស្រាយបញ្ហានោះឡើយ វាបានត្រឹមបង្កមហន្តរាយដល់ប្រទេសទាំង២។ ចិនសង្ឃឹមថា ភាគីសងខាងនឹងរក្សាអារម្មណ៍នឹងនរចរចារគ្នាសំដៅស្វែងរកវិធានការដោះស្រាយដែលមានផលប្រយោជន៍ទាំងសងខាង និងមានចរិតស្ថាបនា។
ក្នុងទំនាក់ទំនងជាមួយរុស្ស៊ីវិញ ប្រមុខការទូតរូបនេះអះអាងថា ចំណងទាក់ទងដៃគូជាយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរមានស្ថិរភាពប្រសើរណាស់។ ចំណងមិត្តភាពបណ្តាមេដឹកនាំចិន និងរុស្ស៊ី គឺជាគ្រឹះធ្វើឲ្យទំនាក់ទំនងរវាងប្រទេសទាំងពីរកាន់តែលូតលាស់ជាងមុន។
ចំពោះអាស៊ានវិញ លោកវ៉ាងយី ឲ្យដឹងថា ចិនមានបំណងបង្កើនកម្រិតនៃចំណងទាក់ទងដៃគូយុទ្ធសាស្ត្រ ហើយកសាងសហគមន៍អនាគតរួមមួយដែលស្និទ្ធស្នាលជាងមុនជាមួយសហគមន៍នេះ។ ចិននឹងបន្តជំរុញឲ្យចំណងទាក់ទង កិច្ចសហប្រតិបត្តិការជាមួយអាស៊ានក្លាយជាអាទិភាពក្នុងកម្មវិធីនៃសន្និសីទនានាជុំវិញបញ្ហាសហប្រតិបត្តិការអន្តរជាតិក្នុងឆ្នាំ ២០១៨៕ សូយន