ភ្នំពេញ ៖ នៅព្រឹកថ្ងៃសុក្រ ទី៩ ខែមីនា ឆ្នាំ២០១៨ នៅទីស្តីការក្រសួងមហាផ្ទៃ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញចូលរួមជាអធិបតីដ៏ខ្ពង់ខ្ពស់ ក្នុងពិធីអបអរសាទរទិវាអន្តរជាតិនារី៨មីនា ខួបលើកទី១០៧”ស្ត្រីរួមគ្នារក្សាសន្តិភាពដើម្បីអភិវឌ្ឍន៍ជាតិ” ដែលបានរៀបចំដោយក្រុមការងារយេនឌ័រក្រសួងមហាផ្ទៃ។
ឆ្លៀតក្នុងឱកាសនេះដែរ សម្តេចក្រឡាហោម បានបញ្ជាក់បន្ថែម អំពីប្រតិកម្មរបស់មជ្ឈដ្ឋានខាងក្នុង និងខាងក្រៅក្រសួង ករណីតែងតាំងអនុសេនីយ៍ត្រីម្នាក់ ឱ្យទៅជាអនុប្រធាននាយកដ្ឋាន។ ដោយសម្តេចបានមានប្រសាសន៍ថា ការតែងតាំងនេះមិនមានអ្វីខុសពីក្រិត្យក្រមច្បាប់នោះទេ ហើយក៏មិនបានខុសច្បាប់នៃការតែងតាំងតួនាទីភារកិច្ចនោះដែរ ព្រោះច្បាប់ពុំមានចែងទុក តែបើថា “មិនសូវទំនង អាហ្នឹងរាងសមបន្តិច តែវាមិនមានបញ្ហាអ្វីទេ ព្រោះជាករណីចាំបាច់ មិនតែប៉ុណ្ណោះវាអាស្រ័យទៅលើចំណេះដឹង និងជំនាញ ដែលគេអាចធ្វើបាន ទើបមានការស្នើសុំបែបនេះ ដូច្នោះសូមអស់លោកមេត្តាជ្រាប និងកុំភាន់ច្រឡំទៀត”៕ ដោយ៖បញ្ញាស័ក្តិ
