តារាសិចថៃល្បីខ្លាំងអំឡុងឆ្នាំ២០០០ នាង Kesarin Chaichalermpol ដែលថ្មីៗនេះបានចេញមុខបកស្រាយចំពោះការលែងលះជាមួយមហាសេដ្ឋីអាមេរិកវ័យចំណាស់របស់នាង បានបង្ហើបឱ្យដឹងកាលពីថ្ងៃព្រហស្បតិ៍ថា ពួកគេពិតជាពុំដែលរួមដំណេកជាមួយគ្នាឡើយ ក្នុងរយៈពេលនៃជីវិតអាពាហ៍ពិពាហ៍ ៥ ឆ្នាំ របស់ពួកគេ ។
នៅក្នុងកិច្ចសម្ភាសន៍ជាមួយអ្នកគ្រប់គ្រងសារព័ត៌មានអនឡាញថៃ អតីតារាសិចវ័យ ៣៣ ឆ្នាំ រូបនេះ ដែលមានឈ្មោះហៅក្រៅថា Nong Nat បាននិយាយថា នាង «ពុំអាចជំរុញខ្លួនឯងនាង ទៅធ្វើរឿងនេះទេ» ព្រោះនាងបានចាត់ទុកប្តី Harold Jennings Nesland ប្រៀបដូចជា «ពូ» ម្នាក់របស់នាងអីចឹង ។
នាងត្រូវបានដកស្រង់សម្តីដោយ Coconut និយាយថាយ៉ាងដូច្នេះថា៖ «និយាយតាមត្រង់ទៅ ចាប់តាំងពីពួកយើងរៀបការនឹងគ្នាមក ពួកយើងពុំដែលរួមដំណេកជាមួយគ្នាម្តងណាឡើយ ។ មិនមែនមិនថាយើងមិនព្យាយាមទេ ។ ខ្ញុំព្យាយាម ប៉ុន្តែ ខ្ញុំពុំអាចមានអារម្មណ៍ធ្វើរឿងនោះ ព្រោះថា ខ្ញុំពុំដែលមានកូនចិត្តស្រលាញ់គាត់ក្នុងផ្លូវមួយនេះ ។ វាហាក់ដូចជាខ្ញុំគោរពគាត់ជាពូម្នាក់… នោះមានន័យថា ខ្ញុំរីករាយគេងជាមួយជាមួយពូរបស់ខ្ញុំអីចឹង ។ តើវាពុំត្រឹមត្រូវមែនទេ» ។
នាងបន្ថែមថា ខណៈពួកគេព្យាយាមរួមភេទជាច្រើនលើក តែនាងពុំអាចធ្វើទៅបាន ។
នាងបានពន្យល់ថា៖ «គ្រប់ពេលដែលគាត់មកជួបខ្ញុំ គាត់បានគេងនៅលើគ្រែ រីឯខ្ញុំគេងនៅលើសាឡុង» ។
ទោះយ៉ាងណា Nat បាននិយាយនៅក្នុងបទសម្ភាសន៍មុនៗថា ពួកគេទាំងពីរកម្រមានសិចនឹងគ្នាណាស់ ព្រោះនាងខ្លាចធ្វើឲ្យគាត់គាំងបេះដូងស្លាប់ ។
ហេតុដូច្នេះហើយ នាងក៏សម្រេចចិត្តស្នើសុំ Harold លែងលះគ្នា និងនៅពេលនេះ ការលែងលះគ្នាត្រូវបានធ្វើឡើងជាផ្លូវការហើយៗ នាងក៏កំពុងស្វែងរកអ្នកថ្មីមកស្អំបេះដូងដែលកំពុងឯកោរបស់នាងផងដែរ ។
ប៉ុន្តែ ថ្មីៗនេះ Nat បានធ្វើឲ្យគ្រប់គ្នាភ្ញាក់ផ្អើលជាខ្លាំង នៅពេលនាងបានបញ្ចេញឲ្យដឹងថា នាងពិតជាមនុស្សស្រីម្នាក់ដែលស្រលាញ់ស្រីដូចគ្នា ។ Nat បានសរសេរនៅលើ Instagram កាលពីថ្ងៃពុធថា៖ «ម្ចាស់បេះដូងថ្មីរបស់ខ្ញុំ គឺជានារីជនជាតិវៀតណាមម្នាក់ ដែលមានវ័យ ២៤ ឆ្នាំ ។ នាងក្មេងជាងខ្ញុំច្រើនណាស់ ហើយនាងបានស្ម័គ្រចិត្តស្រលាញ់ខ្ញុំ គឺនៅពេលដែលបេះដូងរបស់ខ្ញុំត្រូវការអ្នកណាម្នាក់ ដែលពិតជាស្រលាញ់ខ្ញុំស្មោះស្ម័គ្រ និងគោរពខ្ញុំ ។ ចាប់ពីពេលនេះទៅ ខ្ញុំត្រូវធ្វើការយ៉ាងលំបាក, សន្សំប្រាក់ និងហោះហើរទៅកាន់អ្នកជារៀងរាល់ខែ» ៕