វីដេអូដ៏ភ្ញាក់ផ្អើលមួយ បានបង្ហាញឲ្យឃើញមន្ត្រីសន្តិសុខ នៅព្រលានយន្តហោះ Halim Perdanakusuma ក្នុងទីក្រុង Jakata បានបង្ខំឲ្យអ្នកដំណើរម្នាក់ចុះចេញពីលើជើងហោះហើរពី (Citilink ឆ្ពោះទៅកាន់ Bali) បន្ទាប់ពីអ្នកដំណើររឹងទទឹងរូបនោះ ត្រូវបានចោទប្រកាន់ជក់បារីនៅលើផ្លូវ ខណៈកំពុងឡើងទៅក្នុងយន្តហោះ ខណៈវាកំពុងត្រូវបានចាក់ប្រេងឡើងវិញ ។
នៅក្នុងវីដេអូ នោះពួកមន្ត្រីសន្តិសុខ១ក្រុម បានចំណាយពេលជាច្រើននាទី ដើម្បីប្រាប់អ្នកដំណើររូបនោះ ដែលគាត់ត្រូវតែចុះចេញពីលើយន្តហោះ ចំពោះទង្វើជំនះដ៏រឹងទទឹងរបស់គាត់ ។
បុរសនោះត្រូវបានលឺនិយាយទៅកាន់មន្ត្រីទទួលខុសត្រូវ ដោយនិយាយថា៖ «តើលោកអាចធានាថា ខ្ញុំនឹងត្រូវបានបញ្ជូនទៅកាន់យន្តហោះដទៃ ទៅកាន់ Bali នៅយប់នេះដែរឬទេ?» ។
ទោះយ៉ាងណា ទីបំផុត បុរសរូបនេះត្រូវបាននាំចុះពីយន្តហោះនៅចុងវីដេអូ ។
ស្ថិតក្រោមច្បាប់អាកាសចរណ៍របស់ប្រទេសឥណ្ឌូនេស៊ី នោះរាល់សកម្មភាពប្រព្រឹត្តទាំងឡាយ ដែលអាចបង្កឲ្យកើតមានគ្រោះថ្នាក់សុវត្ថិភាពជើងហោះហើរ នឹងត្រូវប្រឈមជាប់ពន្ធនាគារ ២ ឆ្នាំ ៕ ចន្ទី
