តាកែវ ៖ នៅរសៀលថ្ងៃទី ១១ ខែមិនា ២០១៨ នេះ មន្ត្រីជំនាញកាំកុងត្រូលសាខាខេត្តតាកែវ បានសហការគ្នាជាមួយនិងអជ្ញាធរស្រុកទ្រាំង ចុះឆ្មក់ចាប់បានត្រីប្រហុកដែលនាំចូលពីប្រទេសជិតខាង យកមកែច្នៃនៅឃុំអង្គាញ់ ស្រុកទ្រាំង ខេត្តតាកែវ បានជិត ១តោន កាលពីវេលាម៉ោង៤ ល្ងាចមិញនេះ ។
បើតាមការអោយដឹងពីលោក ប៉ោង លាងគង់ ប្រធានសាខាកាំកុងត្រូលខេត្តតាកែវ បានប្រាប់ភ្នាក់ងាររបស់យើងអោយដឹងកាលយប់ថ្ងៃដដែលនេះថា ការចុះឆ្មក់ចាប់ទីតាំងផលិតនិងកែច្នៃប្រហុកដែលនាំចូលពីប្រទេសជិតខាង ដែលមានផ្ទុកសារធាតុគីមីហាមឃាត់នេះបានដោយសារតែមានការ ចូលរួមសហការល្អជាមួយនិងបងប្អូនប្រជាពលរដ្ឋ ថាមាន ការនាំចូល និងកែច្នៃប្រហុកត្រីផ្ទួកដែលមានផ្ទុកសារធាតុគីមី ហ្វូកមុលលីន ដែលជាថ្នាំម្យ៉ាងសម្រាប់ប្រើលើសាកសពមិនអោយមានសភាពស្អុយរលួយនោះដាក់លក់ នៅលើទីតាំងចាស់ដែលធ្លាប់ចាប់ម្តងរួចមកហើយ ឋិតនៅភូមិឃុំខាងលើ ។
លោកប្រធានសាខាកាំកុងត្រូលបានបន្តថា បន្ទាប់ពីទទួលបានព័តមានពីបងប្អូនប្រជាពលរដ្ឋនេះរួច ក្រុមការងារមន្ត្រីជំនាញ បានសុំសហការណ៏ជាមួយនិងអាជ្ញាធរស្រុកទ្រាំង ធ្វើការចុះពិនិត្យលើទីតាំងកែច្នៃត្រីហុកខាងលើ ដោយក្នុងពេលពិនិត្យត្រីប្រហុក ដែលពួកគាត់កំពុងកាប់ជញ្ជ្រាំមនោះគឺសុទ្ធតែមានផ្ទុកនៅសារធាតុហ្វូកមុលលីនទាំងអស់ ក្នុងនោះមន្ត្រីជំនាញយើងបានឃាត់និងយកមករក្សាទុកបានចំនួន ៨៤០គីឡូក្រាម រងចាំព្រឹកស្អែក និងចាត់ការតាមនីតិវិធី ៕ តាកែវ
