ភ្នំពេញ ៖ ក្មេងប្រុសអាយុ១៤ឆ្នាំ ដែលបានរួមភេទជាមួយក្មេងស្រីអាយុ១២ឆ្នាំ ជាសង្សាររបស់ខ្លួន ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ នៅថ្ងៃទី១១ ខែមីនា ឆ្នាំ២០១៨នេះ ដោយចោទប្រកាន់ពីបទរួមភេទជាមួយអនីតិជនអាយុក្រោម១៥ឆ្នាំ។
កុមារាដែលជាជនសង្ស័យ អាយុ១៤ឆ្នាំ ជនជាតិខ្មែរ មុខរបររើសអេតចាយ ស្នាក់នៅផ្ទះគ្មានលេខ លើផ្លូវលំមួយ ស្ថិតនៅភូមិឫស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។ ចំណែកកុមារីរងគ្រោះ អាយុ១២ឆ្នាំ ជាសិស្ស ស្នាក់នៅផ្ទះលេខ២៣១ ផ្លូវលំ ភូមិឫស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
សូមបញ្ជាក់ថា កាលពីថ្ងៃទី៨ ខែមីនា ឆ្នាំ២០១៨ វេលាម៉ោង១រសៀល កុមារីរងគ្រោះ បានដើរទៅងួតទឹក នៅក្នុងបន្ទប់ទឹក ហើយកុមារ៉ាជាជនសង្ស័យ បានចូលទៅងួតទឹកជាមួយគ្នា និងបានរួមភេទជាមួយគ្នាសម្រេចបានមួយលើក។ នៅម៉ោង៧យប់ថ្ងៃដដែល កុមារីរងគ្រោះបានចូលទៅបត់ជើងតូចក្នុងបន្ទប់ទឹកនៅផ្ទះម្តាយមីង ហើយជនសង្ស័យបានឆ្លៀតឱកាសចូលទៅរួមភេទជាមួយគ្នាសម្រេចបានមួយលើកទៀត។ ពួកគេទាំងពីរនាក់ជាសង្សារនឹងគ្នា។ លុះដល់ថ្ងៃទី៩ ខែមីនា ឆ្នាំ២០១៨ វេលាម៉ោង១១ព្រឹក ឪពុកម្តាយកុមារីរងគ្រោះបានមកដាក់ពាក្យបណ្តឹង នៅប៉ុស្តិ៍នគរបាលស្ទឹងមានជ័យទី២ ឲ្យឃាត់ខ្លួនកុមារាដែលជនសង្ស័យ៕ ដោយ៖បញ្ញាស័ក្តិ
