ភ្នំពេញ ៖ ប៉ូលីសនាយកដ្ឋានអន្តោប្រវេសន៍ ក្រសួងមហាផ្ទៃ សហការជាមួយស្ថាប័នតុលាការនិងសមត្ថកិច្ចមូលដ្ឋានបានធ្វើការឡោមព័ទ្ធទីតាំងខុនដូមួយកន្លែង ព្រមទាំងឃាត់ខ្លួនជនសង្ស័យជាជនជាតិចិន១០០នាក់ដោយសង្ស័យថា បានពាក់នឹងករណីចាប់ជំរិតទាប្រាក់តាមប្រព័ន្ធអ៊ិនធើណែត។
ប្រតិបត្តិការនេះបានធ្វើឡើងកាលពីវេលាម៉ោងប្រហែលជា១១និង៣០នាទីព្រឹកថ្ងៃទី១២ មីនា ២០១៨ នៅចំណុចខុនដូអាគារ៩៩ផ្លូវ៣៣៦កែង៣៧៥សង្កាត់បឹងសាឡាងខណ្ឌទួលគោក រាជធានីភ្នំពេញ ។
មន្ត្រីប៉ូលីសមូលដ្ឋានបានអោយដឹងថា ក្នុកិច្ចប្រតិបត្តិការនេះមានការអនុញ្ញាតពីលោក សៀង សុខ ព្រះរាជអាជ្ញាររង អមអយ្យការសលាដំបូងរាជធានីភ្នំពេញ ដឹកនាំដោយ លោកឧត្តមសេនីយ៍ឯក ឃុន សំបូរ អគ្គនាយករងអន្តោរប្រវេសន៍ក្រសួងមហាផ្ទៃ និងលោក អ៊ុក ហៃសិឡា ប្រធាននាយដ្ឋាន ស៊ើបអង្កេតនិងអនុវត្តនីតិវិធី នៃអគ្គនាយកដ្ឋានអន្តោរប្រវេសន៍ ក្រសួងមហាផ្ទៃ ហើយប្រតិបត្តិការនេះ សមត្ថកិច្ចបានធ្វើការឃាត់ខ្លួនបានជនសង្ស័យ១០០នាក់ ក្នុងនោះមានស្រី១៩នាក់។
បច្ចុប្បន្នជនសង្ស័យបានបញ្ជូនទៅនាយកដ្ឋានស៊ើបអង្កេត និង អនុវត្តនីតិវិធី នៃអគ្គនាយកដ្ឋានអន្តោប្រវេសន៍៕ ដោយ ៖ បញ្ញាស័ក្តិ
