ប៉ូលីសនៅក្នុងប្រទេសឥណ្ឌា បាននិយាយថា ពួកគេកំពុងស្វែងរកចាប់ខ្លួនបុរសជាប្តីម្នាក់មានឈ្មោះ Siraj Biwi អាយុ ៣២ ឆ្នាំ ដែលកំពុងរត់គេច បន្ទាប់ពីបានប្រព្រឹត្តអំពើដ៏ឃោរឃៅចាក់ទឹកអាស៊ីត ទៅលើប្រពន្ធរបស់ខ្លួន ដោយសារ…។
យោងតាមប្រភពព័ត៌មាន បានឲ្យដឹងថា ស្ត្រីរងគ្រោះជាប្រពន្ធឈ្មោះ Farah Bije អាយុ ២៥ ឆ្នាំ រស់នៅ Moradabad នៃរដ្ឋ Uttar Pradesh បានទទួលរងការរលាកនៅលើផ្ទៃមុខ ក និងខ្នងរបស់នាង បន្ទាប់ពីប្តីរបស់នាងបានចាក់អាស៊ីតលើរាងកាយរបស់នាង ព្រោះតែនាងមិនបានផ្តល់កូនប្រុសឱ្យគាត់។
ប្តីប្រពន្ធនេះបានរៀបការនឹងគ្នា អស់រយៈពេល ៨ ឆ្នាំ មកហើយៗ ថ្មីៗនេះ Farah បានផ្តល់កំណើតកូនស្រីទី២។
Farah បានប្រាប់ប៉ូលីសឲ្យដឹងថា ប្តីរបស់នាងបានទាមទារឱ្យឪពុកម្តាយរបស់នាង បង់លុយបន្ថែមឱ្យគាត់ នៅពេលនាងបរាជ័យក្នុងការបំពេញតាមការសន្យារបស់នាង ដើម្បីផ្តល់កូនប្រុសឲ្យគាត់។
នៅពេលនាងបដិសេធសួររឿងលុយកាក់ពីឪពុកម្តាយរបស់នាង ស្រាប់តែប្តីរបស់នាងបានចាប់ផ្តើមប្រើអំពើហិង្សាមកលើរូបនាង ប៉ុន្តែនាងពុំដែលគិតថា ប្តីរបស់នាងអាចធ្វើបាបនាងយ៉ាងដូច្នេះទេ ៕ ចន្ទី