បុរសម្នាក់ត្រូវអណ្តាតឲ្យឈាមហូរស្រោចខ្លួន បន្ទាប់ពីមិត្តស្រីរបស់មិត្តភក្តិរបស់គាត់ បានតបតល្បួងខាំអណ្តាត ខណៈប៉ុនប៉ងរំលោភនាងនៅក្នុងបន្ទប់ជួល ខណៈមិត្តប្រុសនាងពុំនៅ ។
ជនរំលោភមានឈ្មោះថា Wallop Klomliang អាយុ ២៥ ឆ្នាំ ត្រូវបានចាប់ខ្លួនភ្លាមៗដោយប៉ូលីស Samut Prakarn បើទោះបីជារូបគេបដិសេធពុំបានប្រព្រឹត្តរឿងនេះយ៉ាងណាក៏ដោយ ។
ប៉ូលីសនិយាយថា បុរសម្នាក់ឈ្មោះ Ae និងមិត្តស្រីឈ្មោះ Som ដែលអ្នកទាំងពីរមានអាយុ ២៥ ឆ្នាំ កំពុងស្ថិតនៅក្នុងបន្ទប់ជួលជាមួយគ្នា នៅ Soi Sapbunchai 31, Bang Muang, Samut Prakarn នៅពេលនៅនាងក៏បានត្អូញត្អែរឈឺចុកពោះ ដូច្នេះ Ae ក៏បានសម្រេចចិត្តជិះម៉ូតូទៅទិញថ្នាំ ។
នៅលើផ្លូវធ្វើដំណើរ គាត់បានជួបជនល្មើស Wallop ដែលកំពុងផឹកស៊ី និងបានឈប់និយាយគ្នាលេងមួយសន្ទុះ ។ Wallop បន្ទាប់មក ក៏បានខ្ចីម៉ូតូរបស់ Ae ជិះទៅទិញសាច់ក្លែម ។ ផ្ទុយទៅវិញ Wallop បានធ្វើឲ្យ Ae រង់ចាំយ៉ាងអន្ទះអន្ទែង ព្រោះតែពុំឃើញត្រឡប់មកវិញ អស់រយៈពេល១ម៉ោងទៅហើយ ។ ប៉ុន្តែ នៅពេលត្រឡប់មកវិញ ស្រាប់តែមាត់របស់គេឃើញពោរពេញដោយឈាម ។ ទោះយ៉ាងណា Ae និយាយថា គាត់ពុំគិតអ្វីច្រើនអំពីរឿងនេះទេ ។
ប៉ុន្តែ នៅពេល Ae បានទិញថ្នាំពេទ្យ និងវិលត្រឡប់ទៅកាន់ផ្ទះជួលវិញ គាត់រកឃើញមិត្តស្រីក្នុងក្តីដ៏ស្លុតរន្ធត់ ព្រោះមានឈាមជាច្រើន នៅក្នុងបន្ទប់របស់ពួកគេបែបនេះ ។ ភ្លាមៗនោះ មិត្តស្រីរបស់គាត់បាននិយាយថា Wallop បានចូលក្នុងបន្ទប់ និងព្យាយាមចាប់រំលោភនាង ។ គាត់បានយកដៃច្របាច់.ករបស់នាង និងព្យាយាមថើបនាង ប៉ុន្តែ នាងបានតបត និងគ្រប់គ្រងខាំអណ្តាតរបស់ Walllop យ៉ាងមួយទំហឹង ដែលជាហេតុធ្វើឲ្យរូបគេពុំអាចទ្រាំទ្របាន និងរត់ចេញទៅវិញ ។
ភ្លាមៗនោះ Ae បានទូរស័ព្ទទៅប៉ូលីស ហើយ Wallop ក៏ត្រូវបានចាប់ខ្លួន នៅឯកន្លែងស្នាក់នៅរបស់គេក្បែរនោះផងដែរ ។
Wallop ដំបូងឡើយ បានបដិសេប្រព្រឹត្តទង្វើបែបនេះទេ ប៉ុន្តែ ក្រោយមកបានសារភាពថា គាត់រវើរវើយមានអារម្មណ៍ទៅលើមិត្តស្រីរបស់មិត្តភក្តិរបស់គាត់ ព្រោះតែនាងស្អាត ។ ដោយសារតែកំពុងស្រវឹងផងនោះ គាត់ក៏មានអារម្មណ៍ផ្លូវភេទយ៉ាងខ្លាំង និងពុំអាចគ្រប់គ្រងបាន ក៏សម្រេចចិត្តធ្វើបែបនេះតែម្តងទៅ ៕ ចន្ទី
ខាងក្រោមជារូបតំណាង៖
