រឿងរ៉ាវស្នេហ៍ពិតដ៏កំសត់នេះ ត្រូវបាន «CEN» ចុះផ្សាយម្តងរួចហើយ ដោយបុរសជាគូស្នេហ៍ឈ្មោះ Chokchai ឬ «Nai Pho» ត្រូវបានវិនិច្ឆ័យកើតជំងឺមហារីកភ្នែកនៅក្នុងឆ្នាំ ២០១៦ និងអាចបន្តនៅរស់រានមានជីវិតប្រហែលជា ៤ ទៅ ៦ ខែទៀតប៉ុណ្ណោះ ។
ទោះយ៉ាងណា មិត្តស្រីរបស់គាត់ដែលមានឈ្មោះ Atittaya Chumkaew ឬ Benz បានសច្ចាថានឹងពុំចាកចេញពីគាត់ឡើយ ។ នាងបានជួបគាត់ ខណៈនាងនៅតែកំពុងរៀនវិទ្យាល័យកាលពីឆ្នាំមុន ។
នៅគ្រាដំបូង Pho បាននិយាយថា គាត់មានជំងឺដុំសាច់នៅភ្នែកឆ្វេងរបស់គាត់ ។ Benz មិនបានដឹងថា វាជាជំងឺមហារីក រហូតទាល់តែម្តាយរបស់គាត់បញ្ចេញព័ត៌មានដ៏សោកសៅនេះ ។
ប៉ុន្តែ បើទោះជាស្ថានភាពរបស់គាត់កាន់តែអាក្រក់យ៉ាងណាក៏ដោយចុះ ក៏នាងនៅតែបដិសេធចាកចេញពីគាត់នោះឡើយ ។
បន្ទាប់ពីការព្យាបាលដោយប្រើវិទ្យុសកម្ម Pho បានសម្រេចចិត្តឈប់ព្យាបាល និងមើលថែដោយខ្លួនឯង ។ វេជ្ជបណ្ឌិតបានផ្តល់ឱកាសនៅរស់រានមានជីវិតសម្រាប់គាត់ មិនដល់កន្លះទៀតទេ ។
ប៉ុន្តែ ២ ឆ្នាំ ក្រោយមក គាត់នៅតែមានជីវិត ទោះបីស្ថានភាពដ៏ស្លុតរន្ធត់នៃផ្ទៃរបស់គាត់ កាន់តែអាក្រក់ទៅៗដូចសព្វថ្ងៃនេះ ។
ទោះយ៉ាងណា ផ្ទៃមុខដែលត្រូវរុំព័ទ្ធដោយដុំសាច់យ៉ាងសាហាវនេះ បានធ្វើឲ្យ Pho មានការលំបាកក្នុងការដកដង្ហើម និងសូម្បីនិយាយស្តី ។
Benz បានផុសថា «នេះជាគឺខួបអនុស្សាវរីយ៍ស្នេហ៍៣ឆ្នាំរបស់ពួកខ្ញុំហើយៗ នាងខ្ញុំក៏បានសច្ចាថា នឹងមិនចាកចេញពីមិត្តប្រុសរបស់ខ្ញុំ ដោយទុកឲ្យគាត់ពិបាកចិត្តឡើយ ។
សព្វថ្ងៃនេះ ពួកគេទាំងពីរទទួលបានការគាំទ្រ ពីក្រុមគ្រួសារទាំងសងខាង និងមិត្តភក្តិផងដែរ ៕ ចន្ទី
