នេះជាថ្ងៃមួយត្រូវបានសន្មត់ថាដ៏រីករាយបំផុត សម្រាប់មួយជីវិតរបស់នារីគ្រប់ៗរូប ប៉ុន្តែវាជាថ្ងៃមួយបានប្រែក្លាយជាសុបន្តិដ៏អាក្រក់ ចំពោះនារីជាកូនក្រមុំម្នាក់ នៅក្នុងរដ្ឋ Arizona ដោយសារនាងត្រូវបានចោទប្រកាន់បើកបរបង្កខូចខាត បន្ទាប់ពីនាងបានជាប់ពាក់ព័ន្ធក្នុងគ្រោះថ្នាក់ចរាចរណ៍មួយ នៅតាមផ្លូវធ្វើដំណើរទៅកាន់អាពាហ៍ពិពាហ៍របស់នាង ។
នាង Amber Young ដែលស្ថិតសម្លៀកបំពាក់រ៉ូបពណ៌វាលខ្នង ត្រូវបានប៉ូលីសដាក់ខ្នោះដៃទៅក្រោយ និងបញ្ចូលទៅក្នុងរថយន្តប៉ូលីស កាលពីថ្ងៃចន្ទ នៅក្នុងទីប្រជុំជន Marana ចម្ងាយ ៤៨ គីឡូម៉ែត្រ ភាគខាងជើងនៃទីក្រុង Tucson ។
អ្នកនាំពាក្យប៉ូលីស លោក Sgt. Chriswell Scott បាននិយាយថា មនុស្សម្នាក់បានរងរបួសស្រាល នៅក្នុងគ្រោះថ្នាក់ចរាចរណ៍មួយ ដែលបានកើតឡើងនៅវេលាម៉ោងប្រហែល ១០ និង ៣០ នាទី ព្រឹក ស្ថិតនៅផ្លូវប្រសព្វ Orange Grove និង Thornydale ។
ប៉ូលីសពុំបាននិយាយពីមូលហេតុដែលកូនក្រមុំវ័យ ៣២ ឆ្នាំ រូបនេះ បើកបរដោយខ្លួនឯង ទៅកាន់ពិធីមង្គលការរបស់នាងនោះទេ ។
នៅលើផ្លូវធ្វើដំណើរទៅកាន់ពិធីមង្គលការ Young បានបាត់បង់ម្ចាស់ការក្នុងការបញ្ជារថយន្ត ហើយបង្កឲ្យមានគ្រោះថ្នាក់ដល់រថយន្ត ៣ គ្រឿង ។
មន្ត្រីដែលបានទៅដល់កន្លែងកើតហេតុ បានរកឃើញថា Young ស្រវឹង ។ នាងត្រូវបានចាប់ខ្លួនបើកបរទាំងស្ថានភាពស្រវឹង ៕ ចន្ទី
