កណ្តាល ៖ រយៈពេល ៣ ថ្ងៃ នគរបាលព្រហ្មទណ្ឌធ្ងន់ និងស្រាល នៃស្នងការដ្ឋាននគរបាលខេត្តកណ្តាល បានឃាត់ខ្លួនជនសង្ស័យ៦នាក់ ទាក់ទិនករណីវាយប្លន់យកម៉ូតូ និងបន្តពន្លាតសមត្ថកិច្ចបើកទីតាំងទទួលផលចោរកម្មចំនួន ៥ កន្លែង នៅខេត្តកំពង់ស្ពឺ និងកំពង់ឆ្នាំង និង ឃាត់មុខសញ្ញាទទួលផលចោរកម្មបាន ៦ នាក់ថែមទៀត សរុបឃាត់ខ្លួនបាន ១២ នាក់។
កិច្ចប្រតិបត្តិការណ៍នេះដឹកនាំដោយលោក ឯក ស៊ុនរស្មី ព្រះរាជអាជ្ញារងខេត្តកណ្តាលលោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាល ឧត្តមសេនីយ៍ត្រី រឿន ណារ៉ា ស្នងការរងនគរបាលខេត្តកណ្តាលទទួលបន្ទុកនគរបាលព្រហ្មទណ្ឌ និងមានកិច្ចសហការពីស្នងការដ្ឋាននគរបាលកំពង់ស្ពឺ និងនាយកដ្ឋាននគរបាលព្រហ្មទណ្ឌផងដែរ។
សមត្ថកិច្ចខេត្តកណ្តាលបានឲ្យដឹងថាកាលពីថ្ងៃទី ១១ ខែមីនា ឆ្នាំ ២០១៨ នគរបាលស្រុកកណ្តាលស្ទឹងនិងព្រហ្មទណ្ឌខេត្តបង្ក្រាបបាន។
ករណី ៖ លួចមានស្ថានទម្ងន់(ធាក់វាយប្លន់យកម៉ូតូ) លើកទី១.កើតហេតុថ្ងៃទី១០ខែកុម្ភៈ ឆ្នាំ២០១៨ វេលាម៉ោង២១និង៣០ នាទីនៅចំណុចដី ភូមិព្រែកអង្គុញ ឃុំសៀមរាប ស្រុកកណ្តាលស្ទឹង ខេត្តកណ្តាល។
ជនរគ្រោះឈ្មោះឈៀងប៉េងសៀន ភេទប្រុស អាយុ២៥ឆ្នាំ មុខរបរ កសិករ ឈ្មោះសឿន សម្ភស្ស ភេទស្រី អាយុ២៥ឆ្នាំ មុខរបរកសិករ អ្នកទាំង០២ ប្តីនិងប្រពន្ធរស់នៅភូមិធ្មៃឃុំគោកត្រប់ស្រុកកណ្តាលស្ទឹង ខេត្តកណ្តាល។ សម្ភារៈបាត់បង់ម៉ូតូ១គ្រឿង ម៉ាកC125 ពណ៌ខ្មៅសេរីឆ្នាំ២០១៨ ពាក់ស្លាកលេខកណ្តាល 1Y-5246 លេខតួលេខម៉ាស៉ីន NB 125 ME 5181061។
លើកទី២៖ កើតហេតុថ្ងៃទី១ ខែមីនា ឆ្នាំ២០១៨ វេលាម៉ោង២១និង១៥នាទីនៅចំណុចផ្លូវជាតិលេខ២ ភូមិព្រែកអង្គុញ ឃុំសៀមរាបស្រុកកណ្តាលស្ទឹង ខេត្តកណ្តាលជនរងគ្រោះ ឈ្មោះអ៊ុំ សោភា ភេទប្រុស អាយុ ១៨ ឆ្នាំ មានទីលំនៅភូមិហនុម៉ាន ឃុំក្រាំងធ្នង់ ស្រុកបាទី ខេត្តតាកែវ។ សម្ភារៈបាត់បង់ ម៉ូតូ១គ្រឿងម៉ាកស៊ុយសូគីឡេត ពណ៌ក្រហមលាយសស៊េរីឆ្នាំ ២០១៨ គ្មានស្លាកលេខ(មានសំបុត្រពន្ធ)លេខតួ 415216 លេខម៉ាស៊ីន 415350។
លើកទី៣៖ កើតហេតុថ្ងៃទី ៥ ខែមីនា ឆ្នាំ ២០១៨ វេលាម៉ោង២១និង៣០នាទី នៅចំណុចលើកផ្លូវជាតិលេខ២ ដីភូមិស្រុកធំឃុំជើងកើបស្រុកកណ្ដាលស្ទឹងខេត្តកណ្ដាល។ជនរងគ្រោះម្នាក់ ឈ្មោះ ង៉ែត ម៉ូលីណា ហៅលីន ភេទប្រុស អាយុ៥០ឆ្នាំ រស់នៅភូមិស្ទឹងជ្រៅសង្កាត់ដើមមៀនក្រុងតាខ្មៅខេត្តកណ្ដាលមុខរបរ នៅផ្ទះ។ សម្ភារៈបាត់បង់ ម៉ូតូ០១គ្រឿង ម៉ាកស៊ូម័រ ពណ៌ខៀវ ពាក់ស្លាកលេខភ្នំពេញ 1GB-1570
លើកទី ៤ ៖ កើតហេតុនៅថ្ងៃទី៨ ខែមីនា ឆ្នាំ ២០១៨ វេលាម៉ោង ២៣ និង ១០ នាទី នៅចំណុចលើផ្លូវជាតិលេខ២ដីភូមិស្រុកធំ ឃុំជើងកើប ស្រុកកណ្ដាលស្ទឹង ខេត្តកណ្ដាល ។
ជនរងគ្រោះ ១ នាក់ ឈ្មោះវ៉ន សារ៉ា ភេទប្រុសអាយុ ៣២ ឆ្នាំរស់នៅភូមិទ្រា៤ សង្កាត់ ស្ទឹងមានជ័យ ខណ្ឌ មានជ័យក្រុងភ្នំពេញមុខរបរ ជាងផ្សារដែកសម្ភារះបាត់បង់ ម៉ូតូ១គ្រឿងម៉ាកសេ១២៤ពណ៌ខ្មៅស៊េរីឆ្នាំ២០១៦ពាក់ស្លាក់លេខឧត្តមានជ័យ 1C-6117 លេខតួលេខម៉ាស៊ីនND១២៥ ME៩៦៦៥៩៣។ ជនសង្ស័យ៦នាក់ ទី១-ឈ្មោះនឹម គីមហុង ភេទប្រុស អាយុ១៧ឆ្នាំ រស់នៅភូមិត្បូងក្ដីឃុំបារគូ ស្រុកកណ្ដាលស្ទឹង ខេត្តកណ្ដាល មុខរបរពុំពិតប្រាកដ (ឃាត់ខ្លួន) ទី២-ឈ្មោះអ៊ិត ច័ន្ទមន្នី ភេទ ប្រុស អាយុ២០ឆ្នាំ រស់នៅភូមិត្រស់ឃុំទ្រាស្រុកកណ្ដាល ស្ទឹងខេត្តកណ្ដាល មុខរបរពុំពិតប្រាកដ (ឃាត់ខ្លួន) ទី៣-ឈ្មោះសៀក លីថុង ហៅម៉ៅ ភេទប្រុស អាយុ១៧ឆ្នាំ មុខរបរពុំពិតប្រាកដ (ឃាត់ខ្លួន) ទី៤-ឈ្នោះម៉ូត ថៃ ភេទប្រុស អាយុ១៧ឆ្នាំ មុខរបរពុំពិតប្រាកដ(ឃាត់ខ្លួន) ទី៥-ឈ្មោះជា សំណាង ភេទប្រុស អាយុ ២១ឆ្នាំ មុខរបរពុំពិតប្រាកដ(ឃាត់ខ្លួន)។
អ្នកទាំង៣ រស់នៅភូមិ ស្ពានថ្ម សង្កាត់ស្ពានថ្ម ខណ្ឌ ក្រុង ភ្នំពេញ និងទី៦-ឈ្មោះ លិត ស៊ីផា ភេទប្រុស អាយុ ២២ ឆ្នាំ រស់នៅ ភូមិ ថ្លាន់ សង្កាត់ គងនយ ខណ្ឌដង្កោ ក្រុង ភ្នំពេញ មុខរបរ ពុំពិតប្រាកដ(ឃាត់ខ្លួន)។
វត្ថុតាងចាប់យក៖ស្លាកលេខម៉ូតូ ៣ ( ភ្នំពេញ 1GS-2799) (ភ្នំពេញ 1GI-2551)(ឧ.មានជ័យ 1C-6117) ទូរស័ព្ទដៃម៉ាក iPhone5 ចំនួន២គ្រឿងពណ៌ទឹកប្រាក់ ម៉ូតូចំនួន ៤គ្រឿង ១.ម៉ាកហុងដាសេ១២៥ពណ៌ខ្មៅស៊េរីឆ្នាំ២០១៨ ពាក់ផ្លាកលេខកណ្ដាល 1Y-5246 លេខតួលេខម៉ាស៊ីន ND១២៥ME៥១៨១០ ៦១ ២.ម៉ូតូម៉ាកស៊ុយសាគីឡេត ពណ៌ស លាយក្រហមគ្មានស្លាកលេខ លេខតួ៤១៥២១៦ លេខម៉ាស៊ីន៤១៥៣៥០ ៣.ម៉ូតូម៉ាកហុងដាសេ១២៥ពណ៌ខ្មៅស៊េរីឆ្នាំ២០១៦ពាក់ស្លាកលេខឧត្តមានជ័យ 1C-6117 លេខតួលេខម៉ាស៊ីនND១២៥ME៩៦៦៥៩៣៨ ៤.ម៉ូតូម៉ាកហុងដាសេ១២៥ស៊េរឆ្នាំ២០១៦ ឡើងតែមឆ្នាំ២០១៨ លេខតួលេខម៉ាស៊ីនND១២៥ME៩៦៣៦២៤៧។
សមត្ថកិច្ចបន្តថា មុនពេលកើតហេតុកម្លាំងជំនាញនិងប៉ុស្ដិ៍បានចេញល្បាតនៅតាមគោលដៅងាយរងគ្រោះនៅវេលាម៉ោ១៩និង៣០នាទី ទទួលព័ត៌មានពីខាងឃុំក្រាំងឆ្នង់ ស្រុកបាទីថា មានករណី ធាក់ផ្ដួលនិងវាយយកម៉ូតូនៅចំណុចពីខាងត្បូងស្ពានកំពង់កោដីខាងស្រុកបាទីខេត្តតាកែវហើយទំនាក់ទំនងគ្នារវាងស្រុកបាទីនិងស្រុកកណ្ដាលស្ទឹងបានល្អកម្លាំង ខាងស្រុកកណ្ដាលស្ទឹងបានធ្វើការឃាត់ខ្លួនមនុស្សដែលជាជនសង្ស័យបានចំនួន០៥នាក់និងម៉ូតូ០២គ្រឿង យកមកសាកសួរនៅអធិការដ្ឋាន ក្នុងនេះ ជាមុខសញ្ញាដែលធ្លាប់ធ្វើសកម្មភាពធាក់ផ្ដួលនិងវាយយកម៉ូតូរបស់ជនរងគ្រោះនៅចំណុចខាងលើកន្លងមកនិងកន្លែងផ្សេងៗទៀត ករណីនេះយោងទៅតាមចម្លើយរបស់ជនសង្ស័យកម្លាំងជំនាញបានបន្តធ្វើការស្រាវជ្រាវ តាមចាប់បក្ខពួក បានម្នាក់ទៀតនិងបានធ្វើការដកហូត ចាប់យក ម៉ូតូបានចំនួន២គ្រឿងទៀត យកមកអធិការដ្ឋានស្រុកកណ្ដាលស្ទឹង។
យើងក៏បន្តតាមនីតិវិធីពន្លាតដែនសមត្ថកិច្ចស្រាវជ្រាវរុករកបក្ខពួកនិងសម្បុកលាក់ទុកម៉ូតូ (ឡទិញរបស់ចោរ) ថ្ងៃទី ១៣ មីនា ឆ្នាំ២០១៨ វេលាម៉ោង១០នឹង៥៨នាទី តាមបញ្ជាលោកព្រះរាជអាជ្ញារង ឯក ស៊ុនរស្មី អបសាលាដំបូង ខេត្តកណ្ដាល បានដឹកនាំកម្លាំងជំនាញព្រហ្មទណ្ឌខេត្តកណ្ដាល សហការជាមួយ សមត្ថកិច្ច នគរបាលខេត្ដកំពង់ស្ពឺ ចុះឆែកឆេរទីតាំង ទទួលផលចោរកម្ម និងកែច្នៃម៉ូតូចំនួន ៥គោលដៅ១. ទីតាំងផ្ទះឈ្មោះ ហេង ភក្តី ភេទប្រុស អាយុ២៦ឆ្នាំ ជនជាតិ ខ្មែរ សញ្ជាតិ ខ្មែរ មានទីលំនៅភូមិ បុរីកម្មករ សង្កាត់ច្បារមន ក្រុងច្បារមន ខេត្ដកំពង់ស្ពឺ (ពីរផ្ទះ) ។
វត្ថុតាងចាប់យរួមមាន៖ម៉ូតូម៉ាកហុងដា C125 សេរីឆ្នាំ ២០១៧ ពណ៌ខ្មៅ ស្លាកលេខ ភ្នំពេញ 1DD-8736 អត់ក្បាំង អត់កុងទ័រ អត់កញ្ចក់ ស្លាកលេខម៉ូតូចំនួន ៤៣បន្ទះ រៀនកណ្ដាលចំនួន១១ កញ្ចក់ម៉ូតូមើលក្រោយចំនួន៧គូរ សោម៉ូតូចំនួន ៧០ កន្ត្រក់ម៉ូតូចំនួន២ ចង្កៀងឡាន២ ស្រោមចង្កៀងមើលក្រោយ១ មួកការពារ១ ស្លាកលេខឡាន១ ដង្កាប់ ដែកឆាប ទួរណឺវិស ម៉ាលេត កូនសោ ដែកគាស់ កន្ត្រៃ កន្ត្រកមុខម៉ូតូ ទូរស័ព្ទណូគារ N ចុចពិល១ កាបូបដៃពណ៌ខ្មៅ១។ ២. ទីតាំងផ្ទះ ឌី បណ្ដូល (ម្តាយរបស់ឈ្មោះ ហេង ភក្តី), ស្លាកលេខម៉ូតូ ចំនួន ១៦ ស្លាក (ខ.ម) ១ ទួរឡឺវីស ម៉ាឡេត កូនសោ ដែកឆាប កន្ត្រៃ និងសម្ភារៈផ្សេងៗទៀត ស្លាកលេខមួយចំនួនទៀត ត្រូវបានឈ្មោះ ហេង ភក្តី បោះចោលទៅក្នុងទឹកស្រះ ដែលមានជម្រៅ មិនអាចរាវរកឃើញ ថ្ងៃក្រោយសមត្ថកិច្ចនឹងឆែកឆេរបន្តទៀត។ ៣. ទីតាំង ផ្ទះរបស់ឈ្មោះ ហ៊ុន គន្ធា នឹងការចូលរួមពីឪពុកក្មេកឈ្មោះ យិន ហ៊ីម ភេទប្រុស អាយុ ៦៤ឆ្នាំ ជនជាតិខ្មែរ សញ្ជាតិខ្មែរ មានទីលំនៅភូមិ បូរីកម្មករ សង្កាត់រការធំ ក្រុងច្បារមន ខេត្តកំពង់ស្ពឺ។
វត្ថុតាងចាប់យក រួមមាន៖ ស្លាកលេខឡាន ២ បន្ទះ លេខ ភ្នំពេញ 2F-9660 កាតគ្រីម៉ូតូ ចំនួន៧ សន្លឹក អត្តសញ្ញាណប័ណ្ណ ជនជាតិខ្មែរ ចំនួន៤សន្លឹក។
ដំណើការឆែកឆេរផ្ទះខាងលើនេះអវត្តមានមេភូមិ នឹងមេឃុំ (បានអញ្ជើញហើយតែមិនបានចូលរួមដែរ តែអវត្ដមាន)មានទីលំនៅភូមិ បូរីកម្មករ សង្កាត់រការធំ ក្រុងច្បារមន ខេត្តកំពង់ស្ពឺ ទីតាំងខាងលើនេះ ប្រគល់ជូនសមត្ថកិច្ចនគរបាលខេត្តកំពង់ស្ពឺធ្វើការគ្រប់គ្រងបន្ត។ ៤. ទីតាំង ផ្ទះឈ្មោះ ពេជ្រ កង ភេទស្រី វត្ថុតាងចាប់យក រួមមាន ៖ ស្លាកលេខម៉ូតូចំនួន១សន្លឹក (ភ្នំពេញ 1AD-4382) កន្ត្រកម៉ូតូចំនួន២ កញ្ចក់ម៉ូតូ (A R M) ពណ៌ខ្មៅចំនួន ១ អាវម៉ាក (A R M) ពណ៌ខ្មៅចំនួន ១មួកសុវត្ថិភាព ចំនួន ២ (ពណ៌សចំនួន១ ពណ៌ខ្មៅចំនួន១) រណាអាដែកចំនួន ១ សន្ទះគម្របសាំងម៉ូតូម៉ាក ស៊ូមើអ៊ិច ចំនួន១ ក្រៅពីនោះសមត្ថកិច្ចមិនបានដកហូតអ្វីទេ ។ ៥. ទីតាំងផ្ទះជួល ឈ្មោះ ហេង រតនា អាយុ ៣២ឆ្នាំ ត្រូវជាប្រពន្ធរបស់ឈ្មោះ ហ៊ុន គន្ធា អនុញ្ញាតិឲ្យសមត្ថកិច្ចកាត់សោរទីតាំងផ្ទះលក់ម៉ូតូនៅភូមិក្រាំងពលទេព សង្កាត់រការធំ ក្រុងច្បារមន ខេត្តកំពង់ស្ពឺ (ទីតាំងជួលមិនស្គាល់ឈ្មោះម្ចាស់ផ្ទះ)។ នាងខ្ញុំទទួលខុសត្រូវទាំងស្រុងចំពោះការបើកទីតាំងនេះ គ្មានការបង្ខិតបង្ខំពីសមត្ថកិច្ច គឺស្ម័គ្រចិត្ត ។ ចុះឆែកឆេរផ្ទះជួលឈ្មោះ ហ៊ុន គន្ធា ។ ទីតាំងនេះមានម៉ូតូ ៤៥ គ្រឿង គ្រឿង មានស្លាកលេខ និងប័ណ្ណសម្គាល់ចំនួន ៣៧គ្រឿង ។
វត្ថុតាងចាប់យក រួមមាន៖ ម៉ូតូចំនួន ៨ គ្រឿងទីតាំងនេះប្រគល់ឲ្យសមត្ថកិច្ចខេត្តកំពង់ស្ពឺគ្រប់គ្រង) ៕ ដោយ៖បញ្ញាស័ក្តិ