រដ្ឋមន្ត្រីក្រសួងប្រជាជាតិ និងសាសនា Zambia, Godfridah Sumaili, ប្រកាសថា ការលក់ឬប្រើប្រាស់តុក្កតាផ្លូវភេទ គឺមិនស្របច្បាប់។ វាត្រូវបានហាមឃាត់មិនឲ្យផលិតជាកម្មសិទ្ធិការនាំចូល លក់នឹងដាក់តាំងបង្ហាញ។ ទង្វើបំពានច្បាប់នេះអាចត្រូវជាប់ពន្ធនាគារ ៥ឆ្នាំ។
រដ្ឋាភិបាលប្រទេស Zambia សន្យាថា នឹងប្រឆាំងជាមួយបញ្ហាតុក្កតាបម្រើផ្លូវភេទ ដែលត្រូវបានដាក់លក់ ហើយចាត់ទុកថា ការប្រើប្រាស់វាជាទង្វើខុសច្បាប់។ ពួកវាត្រូវបានហាមឃាត់មិនឲ្យផលិតធ្វើជាម្ចាស់កម្មសិទ្ធិនាំចូល។ អ្នកដែលបានប្រព្រឹត្តនឹងប្រឈមទោសជាប់ពន្ធនាគារ ៥ឆ្នាំ។
គេបានលើកឡើងថា “ព្រះបានបង្កើតឲ្យមនុស្សមានប្រុស មានស្រី និងឲ្យពួកគេទទួលបានភាពស្រុះស្រួលមួយក្នុងបញ្ហាផ្លូវភេទ ប៉ុន្តែការប្រព្រឹត្តចំពោះរបស់មួយដែលគ្មានវិញ្ញាណ វាជាទង្វើអសីលធម៌។ អ្នកស្រីរដ្ឋមន្ត្រីសង្កត់ធ្ងន់ថា ពុំគប្បីខ្ចីបុលនូវទស្សនៈ និងទង្វើរបស់បរទេស។ គួរជឿលើខ្លួនឯងថា យើងជាជនជាតិអ្វី។
នៅអាហ្វ្រិកខាងត្បូងធ្លាប់បានចេញច្បាប់ហាមឃាត់ការប្រើប្រាស់ឧបករណ៍បម្រើផ្លូវភេទដែលផ្ទុយនឹងធម្មជាតិ។ ក្នុងនោះក្រសួងស្ថាប័នរដ្ឋបានគិតថា វាអាចជាកត្តាចម្លងជំងឺ ប៉ុន្តែនៅឆ្នាំ ២០០៧ ដោយសារមានការប្រឆាំងច្បាប់នេះត្រូវបានលុបចោលវិញ៕ លីសា
