តាកែវ ៖ ជារៀងរាល់ឆ្នាំនៃការប្រកួតកីឡាសិស្សមធ្យមសិក្សាជ្រើសរើសជើងឯកទូរទាំងខេត្ត យើងឃើញថា ក្នុងរយៈពេលប៉ុន្មានឆ្នាំមកនេះ វិស័យកីឡា កំពុងតែផុលផុសខ្លាំងនៅក្នុងទឹកដីនៃខេត្តតាកែវ ទាំងអ្នកលេង និងអ្នកគាំទ្រ ក្នុងនោះលោក ឡោ វីរិទ្ធ ប្រធានមន្ទីរអប់រំយុវជននិងកីឡាខេត្តតាកែវ អំពាវនាវអោយ សិស្សានុសិស្ស ជាពិសេសយុវជនទាំងអស់ គ្នាចូលរួមលេងកីឡា ដើម្បីមិត្តភាព សុខភាព និងឆ្លើយទេចំពោះគ្រឿងញៀន ។
ការលើកឡើងនេះគឺក្នុងពេលដែលលោកប្រធានមន្ទីរបានចូលរួមក្នុងពិធីបើការប្រកួតកីឡាសិស្សមធ្យសិក្សាជ្រើសរើសជើងឯកទូរទាំងខេត្ត នៅទីលានបាល់ទាត់មជ្ឈមណ្ឌលគរុកោសល្យភូមិភាគតាកែវ នៅរសៀលថ្ងៃទី ១៤ ខែមីនា ២០១៨នេះ ។ លោក ឡោ វីរិទ្ធិ បានមានប្រសាសន៏ទៀតថា ឥទ្ធិពលនៃវិស័យកីឡា បានបម្រើជាផលប្រយោជន៏ដល់មនុស្ស និងសង្គមជាតិទូរទៅដោយមិនប្រកាន់ពូជសាសន៏ ពណ៏សម្បុរ ឋានៈក្នុងសង្គមអ្វីឡើយ ដូច្នេះយើងទាំងអស់គ្នា ត្រូវតែលើកទឹកចិត្តឲប្រជាពលរដ្ឋចូលរួមលេងកីឡា ដោយចាត់ទុកវិស័យកីឡាជាសេវាបម្រើមនុស្សជាតិ ដែលក្នុងនោះត្រូវធានាឲបាននូវគោលការណ៏យុត្តិធម៌ក្នុងការលេងកីឡា fai play ។
សូមបញ្ជាក់ផងដែរថា ចំពោះការប្រកួតកីឡាកម្រងសិស្សមធ្យមសិក្សានេះ គឺមានវិញ្ញាសារចំនួន ៤ រួមមាន បាល់ទាត់បរុសចំនួន ១០ក្រុម នារីចំនួន ៧ក្រុម បាល់ទះបរុសចំនួន ១០ក្រុម និងបាល់ទះនារីចំនួន ៦ក្រុម បាល់បោះ បុរសចំនួន ០៤ក្រុម និងបាល់បោះនារីចំនួន ៣ក្រុម ចំណែកវិញ្ញាសារចុងក្រោយគឺវិញ្ញាសារប៉េតង់ បរុសនារី ដែលនៅគ្រប់វិញ្ញាសារទាំងអស់នេះ មានកីឡាករ កីឡាការិនីចំនួន សរុបចំនួន ៦៨៤នាក់៕ តាកែវ
