នេះជាគ្រោះថ្នាក់ចរាចរណ៍ដ៏សែនរន្ធត់មួយ ដែលបានបណ្តាលឲ្យបុរសម្នាក់ ដែលបើកម៉ូតូយ៉ាងលឿនមិនប្រុងប្រយ័ត្ននឹងផ្លូវបំបែក ត្រូវស្លាប់ភ្លាមៗនៅនឹងកន្លែងតែម្តង បន្ទាប់ពីបើកបុកគ្នាជាមួយរថយន្ត១គ្រឿង ដែលបោះពួយលឿនដែរផងនោះ ។ ហេតុការណ៍ដ៏សាហាវនេះ ត្រូវបានដឹងបានកើតឡើងនៅក្នុងប្រទេសព័រទុយហ្គាល់ កាលពីឆ្នាំ២០១៦ មកម្លេះ ។
វីដេអូពីកាមេរ៉ាឃ្លាំមើលលើដងផ្លូវ បានបង្ហាញឲ្យឃើញ ដំបូង បុរសម្នាក់បានបើកម៉ូតូបោះពួយយ៉ាងលឿន ចូលមកផ្លូវកោងបំបែក ប៉ុន្តែ ដោយមិនប្រុងប្រយ័ត្ន ខណៈបាំងនឹងរថយន្តក្រុង១គ្រឿង ក៏វាក់នឹងរថយន្តតូច១គ្រឿងទៀតចូលមកដល់ ជាហេតុពុំអាចទាន់ហ្វ្រាំងទាន់ពេលវេលារៀងៗខ្លួន និងព្រលះគ្នាយ៉ាងពេញទំនឹង បណ្តាលឲ្យអ្នកជិះម៉ូតូហោះផ្លោងឡើងលើអាកាស និងធ្លាក់បត់.កផ្ទប់នឹងជញ្ជាំងអគារជាប់ចិញ្ចើមផ្លូវ ស្លាប់ភ្លាមៗនៅនឹងកន្លែងគួរឲ្យស្លុតរន្ធត់បំផុត ។
ពុំត្រឹមប៉ុណ្នឹង ស្រ្តីម្នាក់ក៏ប៊ិះនឹងត្រូវបានឆក់យកជីវិតរបស់នាង ពីគ្រោះថ្នាក់ចរាចរណ៍នេះផងដែរ ខណៈនាងកំពុងដើរសុខៗនៅអែបចិញ្ចើឹមផ្លូវ ៕ ចន្ទី