ភ្នំពេញ ៖ ក្នុងកម្មវិធីប្រឹក្សាពីឱកាសសិក្សានៅអូស្ត្រាលី២០១៨ លោកម៉ៅ ស្រេង បានថ្លែងថា ប្រជាពលរដ្ឋកម្ពុជាមានចំនួនកាន់តែច្រើនឡើង កំពុងជ្រើសរើសយកការសិក្សានៅក្រៅប្រទេស ក្នុងផែនការអប់រំរបស់ពួកគេ ដោយជឿជាក់ថា នេះនឹងធានាលើការប្រកួតប្រជែង សម្រាប់អាជីពរបស់ពួកគេនាពេលអនាគត។ ជាពិសេសនៅប្រទេសអូស្ត្រាលី កំពុងក្លាយជាជម្រើសដ៏មានប្រជាប្រិយភាពមួយ ដោយសារមានសិស្សនិស្សិតកម្ពុជារាប់រយនាក់ ជ្រើសរើសទៅសិក្សានៅទីនោះ ជារៀងរាល់ឆ្នាំ។
អ្នកតំណាងមកពីស្ថាប័នអូស្ត្រាលីជាង ៤៦ បានចូលរួមក្នុងកម្មវិធីប្រឹក្សាពីឱកាសសិក្សានៅអូស្ត្រាលី នៅរាជធានីភ្នំពេញប្រទេសកម្ពុជាកាលពីថ្ងៃទី១៥ ខែមីនា។ មានសិស្សនិស្សិតនិងមាតាបិតាសរុបជាង ៩៥០ នាក់បានចូលរួមក្នុងកម្មវិធីមួយថ្ងៃនេះដែលបានរៀបចំឡើងនៅសណ្ឋាគារកាំបូឌីយ៉ាណា។
កម្មវិធីប្រឹក្សាពីឱកាសសិក្សានៅអូស្រា្តលីនៅតែបន្តជាវេទិកាដ៏ល្អបំផុតសម្រាប់សិស្សនិស្សិតកម្ពុជានិងឪពុកម្តាយរបស់ពួកគេដើម្បីជួបផ្ទាល់ជាមួយ សាលារៀន សាកលវិទ្យាល័យ និងអ្នកផ្តល់ការអប់រំ នៅទូទាំងប្រទេសអូស្ត្រាលី។ ដែលកម្មវិធីនេះ បានធ្វើឡើង នាព្រឹកថ្ងៃទី១៥ មីនា ២០១៨ ចាប់ពីម៉ោង៩ព្រឹកដល់ ម៉ោង៤ល្ងាច នៅសណ្ឋាគារកាំបូឌីយ៉ាណា ដែលមានស្ថាប័នដែលចូលរួមបានផ្តល់ជម្រើសសិក្សាពីវិទ្យាល័យ ថ្នាក់បចេ្ចកទេស និងក្រោយឧត្តមសិក្សា។ សិស្សនិស្សិតនិងមាតាបិតារបស់ពួកគេត្រូវបានអញ្ជើញឱ្យចូលរួមដើម្បីស្វែងរកព័ត៌មានបន្ថែមស្តីពីជម្រើសសិក្សានិងដំណើរការនៃការដាក់ពាក្យនៅពិព៍ណ៍សិក្សានេះដោយឥតគិតថ្លៃ។
ការចូលរួមជាមួយស្ថាប័នអូស្ត្រាលីក្នុងការតាំងពិព័រណ៍នេះ មានអ្នកតំណាងមកពីស្ថានទូតអូស្ត្រាលីនៅភ្នំពេញ (HA) ដើម្បីឆ្លើយតបនឹងសំណួរនានាអំពីតម្រូវការនិងការដាក់ពាក្យសុំទិដ្ឋាការ។មជ្ឈមណ្ឌលអូស្ត្រាលីសម្រាប់ការអប់រំ (ACE) បានចូលរួមដើម្បីពិភាក្សាអំពីឱកាសសិក្សាភាសាអង់គ្លេសដើម្បីបំពេញតាមតម្រូវការរបស់ស្ថាប័នអប់រំអូស្ត្រាលីផងដែរ។ អ្នកតំណាងមកពីមជ្ឈមណ្ឌលប្រឡងតេស្តអន្តរជាតិ IELTS កម្ពុជាក៏បានចូលរួមផ្តល់ប្រឹក្សាអំពីការចុះឈ្មោះនិងការធ្វើតេស្តផងដែរ។
“នេះមិនមែនជាលើកទីមួយទេដែលនាងខ្ញុំបានមកចូលរួមកម្មវិធីនេះ។ ពួកយើងមានសេចក្តីសប្បាយរីករាយយ៉ាងខ្លាំងដែលបានវត្តមាននៅទីនេះម្តងទៀត ដើម្បីផ្តល់ពត៌មានអំពីកម្មវិធីសិក្សា និងមុខវិជ្ជារបស់ពួកយើងទៅកាន់សិស្សនិស្សិតកម្ពុជា” លោកស្រី Angelidis Olympia, អ្នកតំណាងមកពីVictoria Government School។
លោកស្រេង ម៉ៅនាយកស្ថាប័ន IDP ប្រចាំប្រទេសកម្ពុជាមានប្រសាសន៍ថា “នេះគឺជាឱកាសតែមួយគត់សម្រាប់សិស្សនិស្សិតកម្ពុជាដែលមានគម្រោងសិក្សានៅបរទេស” លោកបានបន្ថែមផងដែរថា “ដោយយោងតាមសមាហរណកម្មសេដ្ឋកិច្ចអាស៊ាន ការទទួលបានការអប់រំអន្តរជាតិអាចជាទ្រព្យសម្បត្តិមួយដ៏មានឥទ្ធិពលបំផុតសម្រាប់ប្រជាជនកម្ពុជាក្នុងការប្រកួតប្រជែងក្នុងទីផ្សារការងារ។ ដូចនេះប្រជាពលរដ្ឋកម្ពុជាដែលមានចំនួនកាន់តែច្រើនឡើង កំពុងជ្រើសរើសយកការសិក្សានៅក្រៅប្រទេសក្នុងផែនការអប់រំរបស់ពួកគេដោយជឿជាក់ថានេះនឹងធានាលើការប្រកួតប្រជែងសម្រាប់អាជីពរបស់ពួកគេនាពេលអនាគត” ។ ប្រទេសអូស្ត្រាលីកំពុងក្លាយជាជម្រើសដ៏មានប្រជាប្រិយភាពមួយ ដោយសារមានសិស្សនិស្សិតកម្ពុជារាប់រយនាក់ ជ្រើសរើសទៅសិក្សានៅទីនោះ ជារៀងរាល់ឆ្នាំ។
“ការទៅបន្តការសិក្សានៅប្រទេសអូស្ត្រាលីជាក្តីស្រមៃរបស់នាងខ្ញុំតាំងពីកុមារភាព។ មកចូលរួមកម្មវិធីប្រឺក្សាពីឱកាសសិក្សានៅប្រទេសអូស្ត្រាលីនៅថ្ងៃនេះបានធ្វើអោយនាងខ្ញុំយល់ដឹងកាន់តែច្បាស់ពីបែបបទរបស់សាលា និងពត៌មានផ្សេងៗជាច្រើនទៀត” កញ្ញា ឆាង ពិសី សិស្សសាលាវិទ្យាល័យទួលទំពួង “ខ្ញុំពិតជាមានភាពសប្បាយរីករាយណាស់ដែលបានត្រលប់មកកម្មវិធីនេះម្តងទៀត។ ថ្ងៃនេះ ខ្ញុំបានផ្តល់ពត៌មានទាក់ទងទៅនឹងឱកាសទៅសិក្សានៅប្រទេសអូស្ត្រាលីគ្រប់កំរិតទៅកាន់សិស្សនិស្សិតដែលបានមកចូលរួមនៅថ្ងៃនេះ និងមិនត្រឹមតែប៉ុណ្ណោះ ខ្ញុំបានផ្តល់ជាគន្លឹះក្នុងការធ្វើយ៉ាងណាអោយការសិក្សានៅប្រទេសអូស្ត្រាលីរបស់ពួកគេទទួលបានផលល្អប្រសើរ” លោក Nicholas Marriot, អ្នកតំណាងមកពីSwinburne University of Technology៕ ដោយ ៖ បញ្ញាស័ក្តិ