សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យរំសាយដែនជម្រកសត្វព្រៃស្នួលស្ថិតក្នុងខេត្តក្រចេះ និងដែនជម្រកសត្វព្រៃរនាមដូនសំ ក្នុងខេត្តបាត់ដំបងដែលមានផ្ទៃដីប្រមាណជាង១១ម៉ឺន៤ពាន់ហិកតា(១១៤.៩៦១)។ យោងតាមព្រះរាជក្រឹត្យដែលក្រសួងបរិស្ថានទទួលបានកាលពីថ្ងៃទី ១៤ ខែមីនា ឆ្នាំ ២០១៨ ដែនជម្រកសត្វព្រៃស្នួលដែលមានផ្ទៃដីចំនួន ៧៥.០០០ ហិកតា ចេញពីព្រះរាជក្រឹត្យចុះថ្ងៃទី ១ ខែវិច្ឆិកា ឆ្នាំ ១៩៩៣ ដែលបានកំណត់តំបន់ការពារធម្មជាតិ។ ដែនជម្រកសត្វព្រៃរនាមដូនសំមានផ្ទៃដី ៣៩.៩៦១ ហិកតា ចេញពីព្រះរាជក្រឹត្យចុះថ្ងៃទី ២៩ ខែកញ្ញា ឆ្នាំ ២០០៣ ដែលបានកែសម្រួលផ្ទៃដីតំបន់ដែនជម្រកសត្វព្រៃរនាមដូនសំ៕ ដោយ ៖ បញ្ញាស័ក្តិ
