នេះជាហេតុការណ៍គ្រោះចរាចរណ៍ដ៏រន្ធត់មួយ ដែលធ្វើឲ្យគ្រប់គ្នាពុំនឹកស្មានដល់ ខណៈដែលរថយន្តកុងតឺន័រ១គ្រឿង បើកដូចខ្វាក់ភ្នែក ទៅបុកបុរសវ័យចំណាស់ម្នាក់ពីខាងក្រោយ ដែលកំពុងជិះកង់សុខៗ ស្ថិតនៅចំណុចផ្លូវបំបែកមួយកន្លែង នៅក្នុងប្រទេសឥណ្ឌា ដែលត្រូវបានគេមើលឃើញថា អាចប្រឈមនឹងគ្រោះថ្នាក់កើតឡើងតែម្តង ។
តាមវីដេអូពីកាមេរ៉ាឃ្លាំមើលដងផ្លូវ បានបង្ហាញឲ្យឃើញមនុស្សម្នាធ្វើដំណើរឆ្លងកាត់ផ្លូវនេះ គួរឲ្យស្រៀវសាច់ជំនួស ចំពោះការធ្វើចរាចរណ៍ដ៏ស្មុគស្មាញរបស់ពួកគេ ។ វីដេអូបន្ទាប់មក បានបង្ហាញខណៈពេលដ៏រន្ធត់បំផុត ដែលបុរសវ័យចំណាស់កំពុងជិះកង់សុខៗ ស្រាប់តែរថយន្តកុងតឺន័រ១គ្រឿង បើកមកពីក្រោយ និងបុកកិនគាត់ទាំងកម្រោលតែម្តង ។
ទន្ទឹមនោះផងដែរ មតិអ្នកខមិនមួយចំនួនបានលើកឡើងថា រថយន្តនេះប្រហែលជាន់ហ្វ្រាំងពុំស៊ី ។ ប៉ុន្តែ មនុស្សជាច្រើនទៀត បាននិយាយថា នេះជាករណីបុកកិនសម្លាប់ដោយចេតនាតែម្តង ព្រោះតែរថយន្តនោះបានឈប់ភ្លាមៗ បន្ទាប់មកគ្រោះ ៕ ចន្ទី