ល្ងាចថ្ងៃទី ១៦ មីនា ១ថ្ងៃក្រោយពេលសមាសភាគីកូរ៉េខាងជើង Ri Yong Ho ទៅដល់ស៊ុយអែត ប្រមុខការទូតម្ចាស់ផ្ទះ Margot Wallstrom បានប្រកាសថា ស៊ុយអែតត្រៀមខ្លួនជាស្រេចដើម្បីជួយដោះស្រាយបណ្តាបញ្ហានៃឧបទ្វីបកូរ៉េ ។
ប្រមុខការទូតកូរ៉េខាងជើង Ri Yong Ho បានទៅដល់ស៊ុយអែតនៅយប់ថ្ងៃទី ១៥ មីនា អ្នកស្រី Margot Wallstrom ឲ្យដឹងថា ស៊ុយអែតត្រៀមជាស្រេចដើម្បីស្វែងរកដំណោះស្រាយបញ្ហានៅឧបទ្វីបកូរ៉េ ប៉ុន្តែអ្វីៗអាស្រ័យលើកិច្ចប្រឹងប្រែងរបស់បណ្តាភាគីពាក់ព័ន្ធ។
ប្រមុខការទូតស៊ុយអែតក៏បានសម្តែងជំនឿលើដំណោះស្រាយនយោបាយ និងការចរចាដើម្បីដោះស្រាយបញ្ហានុយក្លេអ៊ែររបស់កូរ៉េខាងជើង។
មុននេះ១ថ្ងៃ ១៦ មីនា ប្រមុខការទូតកូរ៉េខាងជើង Ri Yong Ho ក៏បានជួបធ្វើសវនាការនិងនាយករដ្ឋមន្ត្រីស៊ុយអែត Stefan Lofven។ ឆ្លើយតបនឹងអ្នកសារព័ត៌មាន អ្នកនាំពាក្យរបស់នាយករដ្ឋមន្ត្រីស៊ុយអែត បញ្ជាក់ថា ជំនួបទ្វេភាគីមិនត្រូវបានបង្ហើបចេញនូវព័ត៌មានដែលភាគីទាំងសងខាងពិភាក្សាគ្នាឡើយ។
មុននោះនាយករដ្ឋមន្ត្រីស៊ុយអែត Stefan បានថ្លែងទៅកាន់ប្រព័ន្ធផ្សព្វផ្សាយថា ៖ “ប្រសិនបើភាគីបង្គោលទាំងទាំងចង់ឲ្យស៊ុយអែតរក្សាតួនាទីជួយគាំទ្រដល់កិច្ចចរចា ដើម្បីបង្កើតជាវេទិកាមួយ ចំណងទាក់ទងណាមួយ ឬអ្វីមួយផ្សេងទៀត នោះយើងខ្ញុំត្រៀមខ្លួនដើម្បីគាំទ្រដល់រឿងនោះ”។
ស៊ុយអែត គឺជាប្រទេសមួយដែលត្រូវបានមជ្ឈដ្ឋានអ្នកវិភាគព្យាករណ៍ទុកជាមុនថា នឹងជាកន្លែងប្រព្រឹត្តទៅជំនួបដំបូងរវាងអាមេរិក និងកូរ៉េខាងជើង។ ជាមួយបរិបទថ្មីនេះ លទ្ធភាពដែលភាគីពាក់ព័ន្ធជ្រើសយកប្រទេសនេះ កាន់តែបង្ហាញខ្លួនច្បាស់ឡើងៗ៕ សូយន