សភាចិននៅថ្ងៃសៅរ៍នេះ បានបោះឆ្នោតជាឯកច្ឆន្ទជ្រើសរើស លោកស៊ី ជីពីង ធ្វើជាប្រធានាធិបតីសារជាថ្មី និងជ្រើសរើសអតីតមន្ត្រីប្រឆាំងអំពើពុករលួយជាន់ខ្ពស់ ឈ្មោះ Wang Qishan ធ្វើជាអនុប្រធានាធិបតី។ នេះបើតាមការចេញផ្សាយរបស់សារព័ត៌មាន Channel News Asia។
ការបោះឆ្នោតជ្រើសតាំងនោះក៏មានការចូលរួមពីសំណាក់អ្នកការសែតផងដែរ នៅមហាវិមានប្រជាជន ស្ថិតក្នុងទីក្រុងប៉េកាំង។
សូមបញ្ជាក់ថា កាលពីថ្ងៃអាទិត្យសប្តាហ៏មុន សភាចិនបានអនុម័តការកែប្រែរដ្ឋធម្មនុញ្ញ ដោយបានលុបចោលការកំណត់អាណត្តិប្រធានាធិបតី ហើយការកែប្រែនេះ អាចធ្វើឲ្យលោក ស៊ី ជីងពីង កាន់តំណែងជាប្រធានាធិបតីអស់មួយជីវិតបាន៕ សុភ័ក្ត្រ
