បន្ទាយមានជ័យ ៖ រថយន្តកុងតឺន័របុកម៉ូតូ បាក់ជើង៣កំណាត់ របួសធ្ងន់យុវជនម្នាក់ រួចទៅបុករថយន្តមួយទៀត នៅថ្ងៃទី១៧ ខែមីនា ឆ្នាំ២០១៨ វេលាម៉ោង៨ និង០៥នាទីយប់ លើផ្លូវជាតិលេខ៥ ត្រង់ចំនុចលើស្ពានតាផាន់ ស្ថិតក្នុងភូមិក្បាលស្ពានសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ សន គឹមសួគ៌ នាយការិយាល័យនគរបាលចរាចរណ៍បានឲ្យដឹងថា ៖ ជនរងគ្រោះឈ្មោះលាវ ប៊ុនឆៃ ភេទប្រុសអាយុ២៣ឆ្នាំ នៅភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។
នៅមុនពេលកើតហេតុ មានរថយន្តធំដឹកកុងតឺន័រ ពណ៌ខៀវ ពាក់ស្លាកលេខព្រះសីហនុ 3A.2157 បានបើពីលិចទៅកើត ។ ដល់ចំណុចកើតហេតុ បានបុក បណ្តាលឲ្យជនរងគ្រោះអ្នកបើកបរម៉ូតូ របួសបាក់ជើងឆ្វេង៣កំណាត់ រួចបានបន្តទៅបុករថយន្តឡិចស៊ីស ពណ៌ស្ករ ពាក់ស្លាកលេខភ្នំពេញ 2H.1219។ អ្នកបើកបររថយន្តកុងតឺន័រ បានរត់គេចខ្លួនបាត់៕ ដោយ ៖ បន្ទាយ