បន្ទាយមានជ័យ ៖ ពលរដ្ឋរងគ្រោះដែលត្រូវភ្លើងឆេះផ្ទះ ១ ខ្នង ធ្វើអំពីឈើប្រកសង្គសីនិងទ្រព្យសម្បត្តិដែលមានតម្លៃប្រមឆណ២០ម៉ឺនបាតនៅភូមិប្រិយ៍ឃុំទ្រាសស្រុកស្វាយចេកត្រូវបាន ឧបនាយករដ្ឋមន្ត្រីកែ គឹមយ៉ាន និងឯកឧត្តម សួន បវរ អភិបាលខេត្តផ្តល់អំណោយជូនក្នុងគ្រាអាសន្នកាលពីថ្ងៃទី១៨ មីនា ឆ្នាំ២០១៨ ។
ពោលគឺក្រោយពីជនរងគ្រោះត្រូវវភ្លើងឆេះអស់ខ្ទេចខ្ទីនូវផ្ទះនិងទ្រព្យនោះកាលពីថ្ងៃទី១៦ ខែមីនា ឆ្នាំ២០១៨ នៅក្នុងភូមិប្រិយ័ឃុំទ្រាស ស្រុកស្វាយចេក ខេត្តបន្ទាយមានជ័យ។
ម្ចាស់ផ្ទះមានឈ្មោះ ធួន ធួយ ប្រុសអាយុ ៣៧ឆ្នាំរស់នៅជាមួយម្តាយចាស់ជរា ដែលរង្វេងៗមិនគ្រប់សតិផងនិងកូនស្រីម្នាក់អាយុ១៤ឆ្នាំរៀនថ្នាក់ទី៩ រស់នៅក្នុងភូមិឃុំខាងលើ។
ពេលទទួលអំណោយ ម្ចាស់ផ្ទះនិងទ្រព្យសម្បត្បត្តិដែលរងគ្រោះត្រូវភ្លើងឆេះនេះនិយាយថា ៖ ផ្ទះនោះ និងបន្ទប់ទឹក ទម្រាំអាចសាងសង់បានគឺសន្សំប្រាក់ជាង១០ឆ្នៃនិងខ្ចីគេបន្ថែមផងតម្លៃជិត២០ម៉ឺនបាតប្រាក់ថៃឬជិត៣០លានរៀល បូកនឹងស្រូវ ៧បាវ និងទ្រព្យរបស់ក្នុងផ្ទះត្រូវភ្លើងឆេះខ្ទេចខ្ទីរអស់ ។
មូលហេតុឆេះ ត្រូវម្ចាស់ផ្ទះនិងសមត្ថកិច្ចអោយដឹងថា ៖ កើតឡើងពេលម្ចាស់ផ្ទះនេះទៅស៊ីឈ្នួលធ្វើការនៅប្រទេសថៃ ហើយម្តាយចាស់ជរាហើយមានសតិមិនគ្រប់និងកូនជំទើនៅផ្ទះ ហើយមិនប្រយ័ត្នភ្លើង។
ភ្លាមៗនោះដោយមើលឃើញនិងដឹងពីពីទុក្ខលំបាក ការបាត់បង់ដ៏ធំធេងសម្រាប់គ្រួសាររបស់ជនរងគ្រោះ ឈ្មោះ ធួន ធួយ នេះ លោកកែ គឹមយ៉ាន ឧបនាយករដ្ឋមន្ត្រីតាមរយ:លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បាននាំយកអំណោយ ជាគ្រឿងឧបភោគ បរិភោគ រួមមានអង្ករចំនួន៥០គ.ក្រ,ទឹកត្រី២យួរ,ទឹកស៊ីវ២ យួរនិងធីបមួយកញ្ចប់មានទឹក ដោះគោ,មី,ត្រីខ,សារុង,ក្រម៉ា,មុង,ភួយ,ស្ករស …និងក៏បានគ្រោងធ្វើផ្ទះតម្លៃ៧០០ទៅ១.០០០ដុក្លាសរអា ជូនដល់ស្ត្រីមេម៉ាយកូន១ និងកូនដែលរងគ្រោះនេះអោយមានជម្រកជ្រកនៅឡើងវិញផង។
ចំណែក លោកសួន បវរ អភិបាលខេត្តបន្ទាយមានជ័យនិងលោកជំទាវសុងផល្លីន រួមជាមួយសប្បុរសជនរួមមានលោក ផូ ស៊ីតាល់ និងលោកស្រី ព្រះគ្រូ សារ៉ាត សេងវឌ្ឍន៍ ចៅអធិការវត្តសិរីមង្គលតាមរយ:កូនប្រុស បាននាំយកថវិិកា និងសម្ភារៈមួយចំនួនដូចជា ថវិកា ២០ម៉ឺនរៀល អង្ករ ៥០គីឡូក្រាម មី ៣កេស ទឹកបរិសុទ្ធ២កេស សារុង៥ កន្ទេល២ ខ្នើយ២ មុង២ ចាន១០ ធុងទឹក១ ធុងទឹកកក១ ចានស្រាក់ ខ្ទះ២ សម្ភារសិក្សាមួយឈុតសម្ភារៈប្រើប្រាស់ទៅជូនគ្រួសារពលរដ្ឋរងគ្រោះនេះតំណាលគ្នានោះដែរ៕ ដោយ ៖ បន្ទាយ
