មន្ត្រីប៉ូលីសម្នាក់បានកោតសរសើរជាវីរបុស បន្ទាប់ពីគាត់ប្រថុយអាយុជីវិត ដើម្បីសង្គ្រោះស្ត្រីធ្វើអត្តឃាតម្នាក់ ។ ហេតុការណ៍ដែលគេថតវីដេអូបាននេះ បានកើតឡើងនៅ Xinjiang ប្រទេសចិន ។
មន្ត្រីប៉ូលីសរូបនោះមានឈ្មោះថា Abdusalam Abulati និងក្រុមការងាររបស់គាត់ បានកំពុងល្បាតនៅតំបន់ជិតខាង នៅពេលនោះ ស្រាប់តែហេតុការណ៍អត្តឃាតខាងលើនេះ បានកើតឡើងនៅវេលាម៉ោងប្រហែល ៤ ទៀបភ្លឺ ។
មន្ត្រីប៉ូលីសបានប្រទះឃើញស្ត្រីម្នាក់ កំពុងអង្គុយនៅលើយ៉នៃអគារជាន់ទី២ ។
ពួកគេបានឈប់រថយន្ត ដើម្បីធ្វើការសួរនាំទៅកាន់ស្ត្រីរូបនោះ ដែលត្រូវបានគេរាយការណ៍ថា តែងតែមានតូចចិត្ត បន្ទាប់ពីកើតមានជម្លោះជាមួយប្តីរបស់នាង ។
នៅពេលម្នាក់ក្នុងចំណោមមន្ត្រីប៉ូលីសទាំងនោះ បានកំពុងស្វែងរកឧបករណ៍សង្គ្រោះ ស្រាប់តែស្ត្រីនោះបានលោតចុះមកភ្លាមៗតែម្តង ។
ឃើញដូច្នោះ មន្ត្រីរូបនេះដែលមានភាពរហ័សរហួន មានការគិតលឿនរូបនេះ បានរត់សំដៅទៅកាន់ស្ត្រីនោះ និងព្យាយាមចាប់នាង ដើម្បីកុំឲ្យនាងប៉ះទង្គិចដី ។
ស្ត្រីនោះបានធ្លាក់ពីលើមន្ត្រីរូបនោះទាំងកម្រោល បណ្តាលឲ្យគាត់ដេកដួលនឹងដី សន្លប់ស្តូកស្តឹងតែម្តង ។
ស្ត្រីនោះពុំទទួលរងរបួសណាមួយនោះទេ ព្រោះតែបានគុណបុណ្យខ្លួនរបស់មន្ត្រីដ៏ក្លាហាន ធ្វើការខែលការពារជីវិតរបស់នាង ។
ទោះយ៉ាងណា លោក Abutati ត្រូវបានបញ្ជូនទៅកាន់មន្ទីរពេទ្យ ដើម្បីសង្គ្រោះព្យាបាលរងឆ្អឹងខ្នងរបស់គាត់ បន្ទាប់ពីរងទម្ងន់សង្កត់យ៉ាងធ្ងន់ធ្ងរនេះ ៕ ចន្ទី