លោក វ្លាដឺមៀ ពូទីណ (Vladimir Putin) នឹងកាន់តំណែងជាប្រធានាធិបតីរុស្ស៊ីរយៈពេល ៦ឆ្នាំទៀត ក្រោយពេលឈ្នះការបោះឆ្នោតប្រធានាធិបតីកាលពីថ្ងៃអាទិត្យម្សិលមិញនេះ។ បើតាមលទ្ធផលបណ្តោះអាសន្ន លោកទទួលបានការគាំទ្រ ៧៦,៦ភាគរយ។ នេះបើតាមការចេញផ្សាយរបស់ CNN។
លោក ពូទីន ត្រូវបានគេរំពឹងយ៉ាងមុតមាំថានឹងឈ្នះការបោះឆ្នោតអាណិត្តទី ៤ របស់លោក ដោយសារតែការបោះឆ្នោតមិនមានការចូលរួមពីបក្សប្រឆាំង និងដៃគូប្រជែងរបស់លោក គឺលោក Alexei Navalny ត្រូវបានបានហាមមិនឲ្យចូលរួមប្រកួត។
លោក ពូទីន ដែលជាអតីតអ្នកស៊ើបការណ៏របស់ KGB បានលុយធ្លោក្នុងនយោបាយរបស់រុស្សីអស់រយៈពេល ១៨ឆ្នាំមកហើយ ហើយលោកក៏ជាមេដឹកនាំរុស្សីដែលកាន់តំណែងយូរជាងគេបំផុត តាំងពីលោកមេដឹកនាំផ្តាច់ការ Joseph Stalin។
លទ្ធផលបោះឆ្នោតផ្លូវការកំពុងតែត្រូវបានបញ្ជេញជាបន្តបន្ទាប់ហើយ។
លោក ពូទីន វ័យ ៦៥ឆ្នាំ បានប្រកាសពីជ័យជម្នះនៅមុខមនុស្សរាប់ពាន់នាក់ស្ថិតនៅតំបន់ក្បែរវិមានក្រែមឡាំង ហើយបានស្នើឲ្យប្រជាជនមានការរួបរួមគ្នានៅក្នុងប្រទេស៕ សុភ័ក្ត្រ
