បណ្តាអយ្យការកូរ៉េខាងត្បូង កំពុងស្វែងរកវិធីចាប់ខ្លួនអតីតប្រជាធិបតី Lee ក្រោមបទចោទប្រកាន់ពុករលួយថា ត្រូវបានទទួលសំណូកដល់ទៅ ១០លានដុល្លារ។
អតីតប្រធានាធិបតីកូរ៉េខាងត្បូង Lee Myung-bak
ការិយាល័យអយ្យការនៃសង្កាត់កណ្តាលក្រុងសេអ៊ូល នៅថ្ងៃម្សិលមិញនេះ បានអំពាវដល់តុលាការឲ្យចេញដីការចាប់ខ្លួនលោក Lee ដោយសំអាងហេតុផលថា លោកអាចបំផ្លាញភស្តុតាងចោល -នេះបើតាម Korea Times ។
លោក Lee ធ្លាប់កាន់មុខតំណែងជាប្រធានាធិបតីក្នុងអណត្តិ៥ឆ្នាំ រហូតទល់ដើមឆ្នាំ ២០១៣។ កាលពីសប្តាហ៍មុន លោកត្រូវបានបណ្តាអយ្យការកោះហៅមកសួរចម្លើយ។
បណ្តាអយ្យការបានចោទប្រកាន់ថា លោកបានទទួលសំណូកសរុបដល់ទៅ ១០លានដុល្លារ ពីស្ថាប័នចារកម្ម បណ្តាក្រុមហ៊ុនធំៗ និងអតីតតំណាងរាស្ត្រម្នាក់។ ពួកគេក៏បានលើកឡើងថា លោក Lee ប្រើប្រាស់ផលិតករគ្រឿងរថយន្តម្នាក់ធ្វើជាខ្សែរយៈកសាងកេសខ្មៅ ដែលមានតម្លៃសរុបដល់ទៅ ២៨ លានដុល្លារ។ ប៉ុន្តែលោក Lee បានបដិសេធចោលរាល់ការចោទប្រកាន់ទាំងនោះ។
តុលាការអាចនឹងចេញសាលក្រមចំពោះសំណូមពរខាងលើរបស់អយ្យការនៅយប់ថ្ងៃទី ២១ ខែមីនា។ មុននោះដែរអ្នកស្រី Park Geun-hye ជាអ្នកបន្តវេនលោក Lee ត្រូវបានដកហូតតំណែងនិងឃុំខ្លួនក្នុងពន្ធធនាគារតាំងពីឆ្នាំទៅមិញក្នុងរឿងអាស្រូវពុករលួយច្រើនយ៉ាង។ បណ្តាអយ្យការកាលពីខែមុនបានផ្តើមសំណើរដាក់ពន្ធធនាគារ ៣០ ឆ្នាំ ចំពោះអ្នកស្រី Park -ប្រធានាធិបតីស្រីដំបូងរបស់កូរ៉េខាងត្បូង៕ សូយន