ប្រមុខការទូត Margot Wallström បានប្រកាសប្រាប់សមាសភាគីកូរ៉េខាងត្បូង Kang Kyung-wha អំពីលទ្ធផលនៃការជួបប្រជុំថ្មីៗកន្លងមកនេះជាមួយរដ្ឋមន្ត្រីការបរទសកូរ៉េខាងជើង Ri Yong-ho នៅរដ្ឋធានី Stockholm ប្រទេសស៊ុយអែត។
ប្រមុខការទូត Margot Wallström
ដកស្រង់របាយការណ៍ចុះផ្សាយថ្ងៃទី ៩ ខែមីនា របស់ក្រសួងការបរទេសកូរ៉េខាងត្បូងឲ្យដឹងថា ប្រមុខការទូត Wallström បានសង្កត់ធ្ងន់ពីខ្លឹមសារស្នូលរវាងអ្នកស្រីជាមួយប្រមុខការទូតកូរ៉េខាងជើង សំខាន់ប្រមូលផ្តុំទៅលើស្ថានការណ៍សន្តិសុខឧបទ្វីបកូរ៉េ ហើយក៏ជាបញ្ហាស្នូលក្នុងកម្មវិធីប្រជុំរបស់ក្រុមប្រឹក្សាសន្តិសុខអង្គការសហប្រជាជាតិ។
ប្រមុខការទូតកូរ៉េខាងត្បូងនិងស៊ុយអែត បានចែករំលែកទស្សនៈថា ៖ ស្ថានការណ៍បច្ចុប្បន្នកំពុងប្រែប្រួលយ៉ាងលឿនក្នុងរយៈពេលខ្លីលើឧបទ្វីបកូរ៉េ ក្នុងនោះមានទាំងបទកំណត់ស្តីពីការរៀបចំជំនួបកំពូលរវាងកូរ៉េទាំង២ និងជំនួបកំពូលអាមេរិកកូរ៉េខាងជើង។ ទាំងនោះគឺជារបត់មានលក្ខណៈឈានឆ្ពោះទៅការដោះស្រាយដល់ឫសគល់អំពីរឿងនុយក្លេអ៊ែរកូរ៉េខាងជើង និងការនាំមកនូវខឿនសន្តិភាពយូរអង្វែង។
ក្រៅពីនោះប្រមុខការទូត Wallström ក៏បានសម្តែងពីបំណងបន្តដើរតួនាទីស្ថាបនាយ៉ាងសកម្មក្នុងកិច្ចធានាសន្តិភាពនិងសន្តិសុខនៅឧបទ្វីបកូរ៉េ។
ស៊ុយអែត ជាប្រទេសមួយដែលមានចំណងទាក់ទងយូរអង្វែងមកហើយជាមួយកូរ៉េខាងជើង។ ប្រទេសនេះបានបើកស្ថានទូតនៅក្រុងព្យុងយ៉ាងនៅឆ្នាំ ១៩៧៥ ហើយក៏ជាស្ថាប័នការទូតដំបូងបង្អស់របស់ប្រទេសលោកខាងលិចមួយប្រចាំកូរ៉េខាងជើង។
កូរ៉េខាងជើងក៏ត្រូវបានចាត់ទុកជាតំណាងដល់បណ្តាផលប្រយោជន៍របស់អាមេរិក កាណាដា និងអូស្ត្រាលី នៅកូរ៉េខាងជើង ហើយតែងត្រូវបានចាត់ទុកជាខ្សែរយៈទាក់ទងក្រៅផ្លូវការរវាងអាមេរិកនិងកូរ៉េខាងជើង។