តាកែវ ៖ រថយន្តហ៊ីយ៉ាន់ដាយមួយគ្រឿង និងម៉ូតូម៉ាកពូសាលមួយគ្រឿង ត្រូវភ្លើងឆេះខ្ទេចទាំងស្រុង ក្រោយពីបើកបុកគ្នាពេញទំហឹង កាលពីវេលាម៉ោង២និង១០នាទីរសៀលថ្ងៃចន្ទ ៣កើត ខែចែត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៩ ខែមីនា ឆ្នាំ២០១៨ លើកំណាត់ផ្លូវជាតិលេខ៣ ចន្លោះគីឡូម៉ែត្រលេខ៨០-៨១ ស្ថិតក្នុភូមិស្រុកចេក ឃុំអង្គតាសោម ស្រុកត្រាំកក់ ខេត្តតាកែវ។
ប្រភពអ្នកពីឃើញហេតុការណ៍គ្រោះថ្នាក់ចរាចរណ៍នេះបាននិយាយថា មុនពេលកើតហេតុ មានម៉ូតូមួយគ្រឿង ម៉ាកពូសាល ពណ៌ខ្មៅ ពាក់ស្លាកលេខភ្នំពេញ 1BX-5763 បើកបរដោយបុរសម្នាក់ ធ្វើដំណើរពីត្បូងទៅជើង លុះមកដល់ចំណុចកើតហតុខាងលើ បានបុកគ្នាជាមួយរថយន្តគ្រឿងម៉ាកហ៊ីយ៉ុនដាយ ពណ៌បៃតងចាស់ ពាក់ស្លាកលេខភ្នំពេញ 3A-4539 ធ្វើដំណើរបញ្ច្រាស់ទិសគ្នាពេញទំហឹង បណ្ដាលឲ្យម៉ូតូខ្ទាតចូលក្រោមរថយន្តបុកចំធុងសាំងដាច់ធ្លាយឆេះខ្ទេចទាំងឡាន និងម៉ូតូ ។
សមត្ថកិច្ចនគរបាលស្រុកត្រាំកក់បានអោយដឹងថា គ្រោះថ្នាក់ចរាចរណ៍ខាងលើនេះបណ្ដាលឲ្យអ្នកបើកបរម៉ូតូឈ្មោះ អាត់ ឌុច ភេទប្រុស អាយុ២៦ឆ្នាំ រស់នៅភូមិទ្រង់ភូមិ ឃុំព្រៃផ្គាំ ស្រុកអង្គបូរី ខេត្តតាកែវ មុខរបរជាំកសិករ (រងរបួសស្រាល)។ ចំណែកអ្នកបើកបររថយន្តបបានរត់គេចខ្លួនបាត់។
ក្រោយកើតហេតុ សមត្ថកិ
ច្ចចុះទៅអន្តរាគមន៍បាញ់ពន្លត់ រួចអូសយករថយន្ត និងម៉ូតូមករក្សាទុកអធិការនគរបាលស្រុកត្រាំកក់ រង់ចាំដោះស្រាយពេលក្រោយ៕ តាកែវ
