ភាពយុត្តិធម៌ពិតជាមិនមែននៅក្នុងប្រព័ន្ធយុត្តិធម៌ព្រហ្មទណ្ឌ នៅក្នុងប្រទេសឥណ្ឌាទេ ដរាបណាអ្នកមានលុយ ដូចទៅនឹងកន្លែងជាច្រើននៅលើពិភពលោក ដូច្នេះ ស្ត្រីទាំងនេះបានសម្រេចកាត់ទោសដោយផ្ទាល់ដៃរបស់ពួកគេ តាមរយៈការចាប់ចងជនចាប់រំលោភម្នាក់ អូសទៅកាន់វាលស្រែ និងវាយនឹងដំបងយ៉ាងសាហាវតែម្តង ចំពោះទង្វើរំលោភសម្លាប់ក្មេងស្រីអាយុ ៨ ឆ្នាំ ម្នាក់ នៅជិតទីក្រុង Dumka នៅក្នុងទីក្រុង Jharkhand ។
បុរសមានទោសនេះ ត្រូវបានដឹងថាមានឈ្មោះ Mithun Hansda អាយុ ៣០ ឆ្នាំ ពុំអាចមានសកម្មភាពតតាំងនឹងការវាយយ៉ាងសន្ធាប់នេះទេ ខណៈដែលក្រុមស្ត្រី និងក្មេង បានត្រឹមសម្លឹងឈរមើលបុរសនេះរងការវាយដុំរហូតស្លាប់នៅនឹងកន្លែងកើតហេតុ ។
ប្រភពព័ត៌មានបានឲ្យដឹងថា ស្ត្រី៣នាក់ដែលត្រូវជាម្តាយ និងសាច់ញាតិ បានព្រួតគ្នាចាប់ចងជើង និងចងស្លាបសេកជនចាប់រំលោភនេះ រួចអូសទៅកាន់វាលស្រែ ។ ជាមួយកំហឹងដ៏ខ្លាំងក្លា ស្ត្រីទាំងនោះ បន្ទាប់មក បានប្រើដំបងម្នាក់មួយ វាយទៅលើជនរូបនេះរហូតសម្លាប់តែម្តង ។
សូមបញ្ជាក់ថា អំពើរំលោភបំពានផ្លូវភេទ បានកើតឡើងជាបន្តបន្ទាប់ ក្លាយជាបញ្ហាដ៏ព្រួយបារម្ភមួយនៅឥណ្ឌា, ជាទីកន្លែងមួយដែលករណីរំលោភផ្លូវភេទត្រូវបានគេរាយការណ៍ថា បានកើតឡើងនៅទូទាំងប្រទេសនេះ គឺមានចំនួនរាប់ម៉ឺនករណីក្នុង១ឆ្នាំៗ ៕ ចន្ទី
