ភ្នំពេញ ៖ សៀវភៅ “សិក្សាសង្ខេបស្ដីពីទស្សនវិជ្ជា” ជាស្នាដៃនិពន្ធប្រកបដោយអត្ថប្រយោជន៍របស់លោកបណ្ឌិតសភាចារ្យ ហង់ ជួន ណារ៉ុន បាននាំអ្នកអានទៅក្នុងពិភពនៃគំនិតដែលលាតសន្ធឹងលើពេលវេលាជាង ២៦០០ឆ្នាំ និងបង្ហាញប្រព័ន្ធពុទ្ធិរបស់ទស្សនវិទូជាង ៤០រូប ដែលបានចូលរួមចំណែកក្នុងវិភាគទានដើម្បីការយល់ដឹងពិភពលោក និងដំណើរជីវិតមនុស្សឱ្យកាន់តែប្រសើរឡើង។
ពិធីប្រកាសផ្សព្វផ្សាយសៀវភៅ “សិក្សាសង្ខេបស្ដីពីទស្សនវិជ្ជា” ត្រូវបានរៀបចំឡើងក្នុងពិធីសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា ២០១៦-២០១៧ និងលើកទិសដៅឆ្នាំសិក្សា២០១៧-២០១៨ ក្រោមអធិបតីភាពលោកបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា នាថ្ងៃទី១៩ ខែមីនា ឆ្នាំ២០១៨ នៅវិទ្យាស្ថានបច្ចេកវិទ្យាកម្ពុជា៕ ដោយ៖បញ្ញាស័ក្តិ
