ខេត្តស្វាយរៀង ៖ ផ្ទះលក់ចាប់ហួយនិងផ្ទះពេទ្យធ្មេញមួយកន្លែងនៅក្នុងភូមិវាលយន្តសង្កាត់ស្វាយរៀង ក្រុងស្វាយរៀង បានធ្វើឱ្យម្ចាស់ផ្ទះម្នាក់ៗភ័យបះសក់ ខណៈប្រអប់កុងទ័រជាប់ខាងមុខផ្ទះទុស្សេហុយផ្សែងនិងឆាបឆេះចេញជាអណ្តាតភ្លើងរាលដាលមកពិដានខាងមុខផ្ទះ។
ហេតុការណ៍នេះបានកើតឡើងកាលពីវេលាម៉ោង៩:៣០នាទីព្រឹកថ្ងៃទី២០ខែមីនាឆ្នាំ២០១៨នេះស្ថិតក្នុងភូមិ វាលយន្ត សង្កាត់ ស្វាយរៀង ក្រុង/ខេត្ត ស្វាយរៀង។
បើតាមសម្តីរបស់ម្ចាស់ផ្ទះខាងលើបានឲ្យដឹងថា ៖ នៅមុនពេលកើតនោះមានផ្សែងហុយចេញពីពិដានខាងមុខផ្ទះ ដែលខាង EDC បានដាក់ប្រអប់កុងទ័រភ្លើងនៅខាងមុខផ្ទះ ពោលគឺចំពាក់កណ្តាលជញ្ជាំងសងខាងផ្ទះលក់ចាប់ហួយនិងពេទ្យធ្មេញ។ ប្រភពខាងលើបានបន្តទៀតថា ៖ មួយសន្ទុះក្រោយមកមានអណ្តាតភ្លើងឆាប់ឆេះតែម្តង ហើយម្ចាស់ផ្ទះខាងលើបានស្រែកឆោឡោផ្អើលអ្នកជិត ខាងមកជួយពន្លត់និងរាយការណ៍ទៅសមត្ថកិច្ចមូលដ្ឋានជួយហៅរថយន្តពន្លត់អគ្គីភ័យជួយចាញ់ពន្លត់បានទាន់ពេលវេលា។
សមត្ថកិច្ចបានឲ្យដឹងថា៖ផ្ទះទី១ត្រូវភ្លើងឆេះដែលលក់ចាប់ហួយមានឈ្មោះ ស្រី យិន និងទី២ម្ចាស់ពេទ្យធ្មេញឈ្មោះ ឈិន ឈនមានទីលំនៅភូមិសង្កាត់ខាងលើក្រោយពីកើតហេតុនោះគេពុំទាន់ដឹងថា ៖ ទំហំនៃការខូចខាតអស់ទ្រព្យសម្បត្តិប៉ុន្មាននោះទេ ដោយគ្រាន់តែដឹងថា ខូចខាតផ្ទះពេទ្យធ្មេញច្រើនជាងផ្ទះលក់ចាប់ហួយហើយការជួយពន្លត់អគ្គីភ័យនេះផងដែរ គឺប្រើរថយន្តពន្លត់អគ្គីភ័យចំនួន ៤ គ្រឿង របស់កងរាជអាវុធហត្ថ២គ្រឿងនិងរបស់ស្នងការដ្ឋាននគរបាលខេត្តស្វាយរៀង២គ្រឿង។
សូមបញ្ញាក់ផងដែរថា ៖ ពលរដ្ឋក្រុងស្វាយរៀង ក៏ដូចជាម្ចាស់ផ្ទះបានរិះគន់ខាងអគ្គីសនីខេត្ត ដែលមានដាក់ប្រអប់ភ្លើងនៅជញ្ជាំងផ្ទះរបស់ប្រជាពលរដ្ឋដោយនៅខាងជើងផ្ទះប្រហែលជាង២០ម៉ែត្រ មិនយកទៅដាក់នោះទេ បើទោះបីជាមានការសំណូមពរពីម្ចាស់ផ្ទះជាច្រើនមកហើយ។ពាក់់ព័ន្ធករណីខាងលើនេះខាងក្រុមអ្នកសារព័ត៌មានយើងមិនអាចសុំការបំភ្លឺពីខាងអគ្គីសនីស្វាយរៀងនោះទេ៕ វ៉ៃកូ