តាកែវ ៖ អភិបាលរងខេត្តតាកែវលោក អ៊ុន វណ្ណា បានចេញសាររិះគន់មួយនៅក្នុងបណ្តាញសង្គមហ្វេសបុករបស់ខ្លួន ថាចំណតបេនឡានកំពង់អំពិល ចតរថយន្តដឹកទំនិញធំៗមិនខ្វល់ពីអ្នកណាឡើយ ។ ស្តែងចេញពីរូបភាព ឃើញថា ទីតាំងខាងលើហាក់ដូចជាគ្មានការរៀបចំសណ្តាប់ធ្នាប់ពីម្ចាស់បេនកំពង់អំពិល និងអាជ្ញាធរសមត្ថកិច្ចនៅក្នុងមូលដ្ឋានឡើយ ។
ក្នុងបងប្អូនប្រជាពលរដ្ឋដែលធ្វើដំណើរឆ្លងកាត់បានសំណូមពរទៅអាជ្ញាធរស្រុកជួយអន្តរាគមន៍លើការរៀបចំធ្វើសណ្តាប់ធ្នាប់នៅក្នុងបេនចំណតកំពុងអំពិលនេះផង កុំទុកឲ្យទីនេះជាកន្លែងសណ្តាប់ធ្នាប់ និងទុកឲ្យម្ចាស់បេនចំណតយកផ្លូវធ្វើជាអាជីវកម្ម។ សូមបញ្ជាក់ផងដែរថា បេនចំណតកំពុងអំពិលនេះមានទីតាំងឋិតនៅភូមិកំពង់អំពិល ឃុំបូរីជលសារ ស្រុកបូរីជលសារ ខេត្តតាកែវ៕ តាកែវ